कैबिनेट बैठक मा कै फैसळौं फर लगि कैबिनेट कु टप्पा

देरादूण। राज्य मंत्री मण्डला बैठक मंगळवार खूंणि मुख्यमंत्री क अध्यक्षता मा सचिवालय मा ह्वै। बैठक मा कै फैसळों फर कैबिनेट कु ठप्पा लगि। बैठक मा 20 प्रस्ताव ऐयां छायीं।

सचिवालय प्रशासन मा 90 प्रतिशत पद सीधा भर्तिळ भवरें जाणा कु फैसळा लिये ग्यें। उत्तराखण्ड क नै हाइड्रो पॉवर पॉलिसी पर भि कैबिनेट कु ठप्पा लगि ग्यें।

कैबिनेट बैठक मा लियां फैसळौं क जाणकारि सचिव शैलेश बगोली न पत्रकारु थैं द्यायी। उन्न बोलि कि सचिवालय प्रशासन मा 90 प्रतिशत पदु मा सीधी भर्तिल भवरें जाला। प्रदेस मा अब पैराळ क मंजूरी डीएम द्याला अर पैरोळ नियमावळि मा सुधार कर्यें ग्यें, अब 12 मैना क पैरोळ कु बंदबस्त कर्ये ग्यें।

सिडकुल क 5 सड़क्यिों थैं पीडब्ल्यूडी थैं दियें जाळि। प्रदेस क 20 आईटीआई थैं कर्नाटक मॉडल फर उच्चीकृत कर्यें जालु। कैबिनेट मा फैसळा लिये ग्यें कि परिवहन सिटी बस मा मोटरयान कर मा शत प्रतिशत छुट दिये जाली। पाड़ मा बसु कु परमिट टैक्स मा छुट थैं 50 प्रतिशत से बढ़ै कि 75 प्रतिशत कर्यें ग्यें।

कैबिनेट मा यु फैसळा भि लिये ग्यें कि रेलवे क जमीन मा मास्टर प्लान लागू नीं ह्वाळु। रूड़की यूनिवर्सिटी ऑफ इंजीनियरिंग एण्ड टेक्नोलॉजी कु नौ कोर यूनिवर्सिटी करण फर ठप्पा लगि ग्यें। लखवाड़ परियोजना मा 4 बार टेंडर निकलें ग्यीन पर टेंडर एक हि ऐ, वैंथै ख्वलण क मंजूरि दिये ग्यें। महासू दय्बता हनोल अर अल्मोड़ा जागेश्वर धाम कु मास्टर प्लान बण्यें जालु। सरकारी मदत वळा स्कुळु मा कक्षा 12 तकाक नौनियाळु फ्री मा किताबि दियें जालु। दिव्यांगु थैं स्टाम्प ड्यूटी मा 25 प्रतिशत छुट दियें जाली।