25 दिसम्बर ‘अटल बिहारी वाजपेयी’ कु जनमबार, सुशासन दिवसा क रुप मा मन्यें जाळु

देरादूण। पैल्यक प्रधानमंत्री अटल बिहारी वाजपेयी क जनमबार 25 दिसम्बर कु दिन थैं प्रदेस सरकार सुशासन दिवसा क रुप मा मनौंणा क त्यारि करणि च। शासन मा जोर-शोर से त्यारि चलणि च। सुशासन दिवसा फर प्रदेस मा बड़ु कार्यक्रम उर्यें जाळु। सबि जनपदु का गौ मा चौपाल लग्यें जाळी। जैमा मंत्री अर नेता शामिळ ह्वाळा।

मुख्यमंत्री धामी न बोलि कि पैल्यक प्रधानमंत्री अटल बिहारी बाजपेयी न उत्तराखण्ड राज्य बण्यें। जै कारण उंकु जन्मबार थैं सुशासन दिवसा क रुप मा मन्यें जाळु। सुशासन दिवसा क मौका फर सबि ग्राम पंचैतु मा चौपाल लग्यें कि जनतै क दिकदरि थैं सूणिक, उंकु हल कर्यें जालु। ऐ मौका फर मुख्यमंत्री भि चौपाल मा भाग ल्याळा।