महाराजन टिरी मा कायीं 13 करोड़ रुप्यौंक विकासक योजनौं कु लोकार्पण अर शिलान्यास

टिरी: त्रिस्तरीय पंचैत चुनाैं मा लड़ण वळों खूंणि या खबर खुसी क च। अब जैका 25 जुलै 2019 से पैळि द्वी या द्वी से जादा नौनियाळ छन वु चुनौं लड़ै सकदन।

या बात लोक निर्माण विभाग, पर्यटन, सिंचाई, लघु सिंचाई, संस्कृति, ग्रामीण निर्माण, पंचायतीराज, जलागम प्रबन्धन, बाढ़ नियंत्रण एवं भारत-नेपाल उत्तराखण्ड नदी परियोजनाएं मंत्री सतपाल महाराजन आज छंचर खूंणि टिरी जिला मा बोलि।

लोक निर्माण विभाग, पर्यटन, सिंचाई, लघु सिंचाई, संस्कृति, ग्रामीण निर्माण, पंचायती राज मत्रीं महाराजन जिला मुख्यालय सभागार मा 13 करोड़ रुप्यौं क विकासक यौजनौं कु लोकार्पण अर शिलान्यास कायी। ऐ मौका फर महाराजन टिरी बांध मा प्रभावित कुटुम्दर जु हकदार छन उ कुटुम्दरी क 100 ळोगु थैं 29 करोड़ 55 लाख 33 हजार 7 सौ 37 रुप्यौं क चेक अर रौलाकोट मा 113 हकदार ळोगु थैं जमीना क कागज दीं।

ऐ मौका फर कैबिनेट मंत्री सतपाल महाराज न बोलि कि टिरी बांध क प्रभावित कुटुम्दरि थैं मुआवजा अर दूबरा बस्यें जाणा क मांग बौत पैळि बटि चलिणि च अर हम उंकी मांग थैं पूरी करणा क लगातार कोसिस करणा छा।

ए कार्यक्रम मा टिहरी विधायक किशोर उपाध्याय, धनोल्टी विधायक प्रीतम सिंहं, जिला पंचायत अध्यक्ष सोना सजवाण, भाजपा जिलाध्यक्ष राजेश नौटियाल, पूर्व जिलाध्यक्ष विनोद रतूडी, खेम सिंह चौहान, ब्लॉक प्रमुख राजेन्द्र भण्डारी, मीना खाली, शिवानी बिष्ट, बसुमति घणाता, सीता देवी, प्रतापनगर ब्लॉक प्रमुख प्रदीप रमोला, भाजपा जिला महामंत्री उदय रावत, राजेन्द्र जुयाल, दिनेश डोभाल, जगदम्बा रतूड़ी, शीशराम थपलियाल, रामकुमार कठैत अर अफसर छायीं।