आईएएस अधिकारियौं थैं अपड़ि पूरी प्रशासनिक काबिलियत से काम करण प्वाड़ळु : मुख्यमंत्री
देरादूण। उत्तराखण्ड थैं 2025 तक सर्या देस मा अग्वाड़ि कु प्रदेस बणौंणा खूंणि सबि आईएएस अधिकारियौं थैं अपड़ि पूरी काबिलियत से जादा काम करण प्वाड़ळु। सर्या प्रदेसा कु विकास अर ळोगुक दिकदरि थैं झट ठीक करणा खूंणि असान समाधान कु मंतर क दगड़ अगनैं बढ़ण प्वाड़ळु। या बात मुख्यमंत्री धामीन आज सचिवालय मा एडमिनिस्ट्रेटिव ऑफिसर्स कांफ्रेंस मा बोलि।
मुख्यमंत्री न बोलि कि सबि तोकु मा प्रदेस क विकास खूंणि मसूरी मा उर्यूं चिंतन शिविर म जु सुझौव समणि ऐ उ फर अब काम करणा क दरकार च। उन्न बोलि यु तय कर्यें ज्यां कि अपड़ा कामु खूंणि जनता थैं बार-बार दफतरू मा नीं आण प्वड़यां।
मुख्यमंत्री न बोलि कि शासन मा क्वीं भि फैळ बिना कारणा क नीं रुकण चैंद।
मुख्यमंत्री न बोलि कि जिलों मा जिलाधिकारी अर मुख्य विकास अधिकारी सरकरि योजनौं थैं अगनैं बढ़ौंण कु काम कर्यां। उन्न बोलि कि प्रदेस मा दूर बैठ्यां आदिम थैं भि राज्य अर केन्द्र सरकारक यौजनौं कु फैदा मिलण चैंद।
उन्न बोलि कि सुशासन दिवस फर गौ मा चौपाळु उर्यें ज्यां, जैमा सबि आईएएस अधिकारियों भाग लियां।
मुख्यमंत्री न बोलि कि 2023 मा भारत मा जी-20 शिखर सम्मेलन उर्यें जालु। जी-20 मा द्वी दळ उत्तराखण्डा क भि आला। ऐ मौका फर हमथैं प्रदेस क उत्पादु, हत्थ क बण्यां समान अर औरि तोक मा हम क्या कै सकदो या फर कांफ्रेंस मा विचार करण चैंद।
ऐ मौका फर अपर मुख्य सचिव आनन्द बर्द्धन, प्रमुख सचिव आर.के. सुधांशु, एल फैनई, सचिव आर मीनाक्षी सुंदरम, शैलेश बगोली अर औरि आईएएस अधिकारी छायीं।