डरैबर न लग्यें विनोद आर्य फर वैका दगड़ गलत काम करणा कु आरोप

हरद्वार। अंकिता कतल क मामळु मा आरोपि पुलकित आर्य क बुबा विनोद आर्य फर वैंकै डरैबर न गलत काम करणा कु आरोप लग्यें।

एसपी सिटी स्वतंत्र कुमार सिंह बतै कि ज्वालापुर कोतवाली मा विनोद आर्य के खिलाफ उंका डरैबर न रिपोर्ट लिखें। जैमा डरैबर न विनोद आर्य फर वैंका दगड़ गलत काम (अप्राकृतिक सम्बन्ध) करणा कु आरोप लग्यें। जैका बाद उन्न बोलि कि ऐ मामला मा जांच कर्यें जाणि च अर जन्नि सबूत समणि आळा उन्न कारवै कर्यें जाली।

डरैबर न बतै कि उ विनोद आर्य क यख ऊंकी गाड़ी चलौंणा क नौकरि करदू छायीं। तीन दिन तक त सबि ठीक छायीं पर चौथु, पांचौं दिन उन मि दगड़ मा गलत काम करणा क कोसिस कायी। डरैबर न बोलि कि उन्न मिथैं पीटी करणा खूंणि बख्यें कि बुलैं अर गलत काम करणा क कोसिस कायी। अर वैंका बाद जब मि उंका घौर मा छायीं तब एक दिन उन्न दुबरा मि दगड़ जबरदस्ती गलत काम करणा क कोसिस कायी तबरि ऊंकी घरवळि ऐग्यें अर वींन मिथैं वख बटि भग्यें दें। डरैबर न बोलि कि मि उबरि राति हि चंपत ह्वै जान्दु पर मिन सोचि कि रातिम घौर बटि चंपत ह्वै जाळु त मि फर चौरि कु आरोप लग्यें जालु, इल्लै मि रातिम नीं भागी। डरैबरन बोलि कि विनोद आर्य क खिलाफ कारवै हूंण चैंद अर वैथैं सजा हूंणि चैंद।

एसपी क्राइम न बतै कि पूर्व मंत्री विनोद आर्य क खिलाफ बलात्कार अर कतल करणा क कोसिस कु मामलु लिख्यें ग्यायी। आईपीसी क धारा 377, 307, 504 अर 506 लग्यें ग्यायी अर डरैबर क सिकैत पर ऐ मामला मा जांच हूंणि च।