राष्ट्रीय राजमार्ग, गुणवत्ता मा क्वीं समझौता नीं हूंणि चैंद : सतपाल महाराज

देरादूण। राष्ट्रीय राजमार्ग संख्या 121 (309) क किमी. 128.00 बटि 158.00 किमी. (बीरोंखाल बटि मझगांव) अर 164.00 बटि 189.00 किमी. (थैलीसैण बटि सलोनधार) तकाकि सड़क्यिों थैं दूबरा बण्यें जाण मा खबरा गुणवत्ता क खबर मीडिया आणा क बाद लोक निर्माण मंत्री सतपाल महाराज क आदेशाक बाद विभागन 10 मीटर तक डीबीएम थैं उखाड़ि दे अर बोल कि जल्दी हि यखम सै गुणवत्ता से दुबरा रिलेईंग कु काम करयें जालु।

प्रदेस क लोक निर्माण मंत्री सतपाल महाराजन राष्ट्रीय राजमार्ग क अफसरु थैं बोलि कि गुणवत्ता मा क्वीं समझौता नीं हूंणि चैंद।

उन्न बोलि कि राष्ट्रीय राजमार्ग संख्या 121 (309) क किमी. 128.00 बटि किमी. 158.00 (बीरोंखाल बटि मझगांव) अर किमी. 164.00 बटि किमी. 189.00 (थैलीसैण बटि सलोनधार) तकाकु रस्ता थैं दुबरा बण्यें जाणा कु काम हूंणि च।
महाराजन बोलि कि राष्ट्रीय राजमार्ग संख्या 121 (309) कु किमी. 156 (0-2) जगौं मा जख सिल्णु च वख घाम नीं औंणा क कारण डीबीसी 10 मीटर तक उखड़ि ग्यें छायीं।

महाराजन बोलि कि ईपीसी मोड मा काम करणि वलि कम्पनी थैं दुबरा सड़क बणौंणा क जिम्मबरि दियें ग्यें। उन्न बतै कि 10 मीटर तक सड़क थैं जेसीबी न मदत स उखाड़ें ग्यें अर अब यख दुबरा तय म्वाटि सड़क बण्यें जाणा खूंणि आदेश दियें ग्यीं। जै फर काम जल्दी कर्यें जालु।