मुख्यमंत्रीन होमगार्ड्स एवं नागरिक सुरक्षा कु स्थापना दिवस मा ल्यें भाग

देरादूण। मुख्यमंत्री न धामीन देरादूण मा होमगार्ड्स एवं नागरिक सुरक्षा कु स्थापना दिवस मा उर्यूं कार्यक्रम मा मुख्य अतिथि भाग ल्यें अर रैतिक परेड थैं देखि।

ऐ मौका फर मुख्यमंत्री होमगार्ड्स एवं नागरिक सुरक्षा क स्मारिका कु विमोचन अर ‘पहल’ एप थैं सुरू कायी।

मुख्ममंत्री न सेवा पृथक होमगार्ड श्रीमती कुंती देवी थैं होमगार्ड कल्याण कोष बटि 1 लाख रुप्या अर नौकरि फर टुणपट हूंया होमगार्ड क सिपै तिलक राज मौर्य क घरवळि श्रीमती प्रीति थैं 2 लाख रुप्यौं कु चेक दे।

मुख्यमंत्री न धामीन उधमसिंह नगर , पिथौरागढ़, चम्पावत, अल्मोड़ा, बागेश्वर, चमोली, रुद्रप्रयाग, पौड़ी, उत्तरकाशी अर टिरी मा होमगार्ड स्वयंसेवकु की एक-एक ब्यटुळा प्लाटुन बण्यें जाणा घोषणा कायी। मुख्यमंत्री न बोलि कि निर्वाचन डयूटी अर रैतिक परेड मा सामिल हूंण वला होमगार्ड्स स्वयंसेवकु थैं 180 रुप्या दिनाका अर खाणा कु पैंसा भि दियें जालु।

मुख्यमंत्री न बोलि कि नौकरि पर 24 घण्टौं क भितर घैळ अर बिमार हूंण वला होमगार्ड्स स्वयंसेवकु थैं पूरि नौकरि मा अस्पताल मा भर्ति हूंणि पर जादा से जाद 6 मैना कु नौकरि भत्ता दियें जालु।

मुख्यमंत्री न बोलि कि होमगार्ड्स ज्वानु थैं एसएलआर कु प्रशिक्षण दियें जाणा खूंणि दस हजार कारतूस मूल्यें जाला। उन्न बोलि राज्य सरकारन जवानु कु सुविधा खूंणि छ्वटा हत्यार जन्नि पिस्तौळ मूल्यें जाणा खूंणि मंजूरि देयाली। उन्न बोलि कि यातायात थैं औरि अच्छु बणौंणा खूूंणि विभागन ऐसु का साल जु ‘प्रोजेक्ट पार्क वैल’ योजना सुरु कै छायीं वैका बौत अच्छु परिणाम आणा छन।

मुख्यमंत्री न बोलि कि उन्न होमगार्ड्स स्वयंसेवकु थैं जून 2022 बटि मैग्यें भत्ता अर जुलै 2022 बटि लारा धुलै कु भत्ता दियें जाणु च।

प्रदेस सरकार न अप्रैल 2017 बटि एरियर कु भुगतान खूंणि अनुपूरक बजट मा 101 करोड़ रुप्यौं कु अलग प्रावधान कर्यूं च।

ऐ मौका फर मेयर देरादूण सुनील उनियाल गामा, मेयर ऋषिकेश श्रीमती अनीता मंमगांई, विधायक उमेश शर्मा काऊ, खजान दास,प्रमोद नैनवाल, पुलिस महानिदेशक अशोक कुमार, कमाण्डेन्ट जनरल होमगार्ड एवं नागरिक सुरक्षा केवल खुराना छायीं।