दून अस्पताळ मा नै अर पुरणि ओपीडी थैं ज्वड़न वलु पुळ सै नीं बण्यूं च : एसपी ट्रैफिक

देरादूण। दून मेडिकल कॉलेज मा द्वी इमारतु थैं ज्वड़न वलु पुळ (फुट ओवर ब्रिज) फर एसपी ट्रैफिक अक्षय प्रह्लाद कोंडे कु ब्वन च कि पुळ नियमु थैं ध्यान मा धेरिक नीं बण्यूं च। उन्न बोलि कि पुळ थैं बणौंणा से पैळि अस्पताल प्रशासन न पुलिस विभाग से क्वीं एनओसी नीं ल्यें।

बतै दियां कि अप्रैल 2020 मा पुळ बणौंणा कु काम सुरू ह्वै छायीं। यु पुळ पुरणु दून अस्पताळ अर नै ओपीडी थैं ज्वड़न खूंणि बण्यें ग्यें छायी। एसपी ट्रैफिकन न पुळ थैं अवैज्ञानिक बतै। एसपी ट्रैफिकन बोलि कि यु पुळ बणौंणा मा तकनीक कु ध्यान नीं दियेग्यें। जै कारण यखम सदनि जाम लग्यूं रैंद अर दुर्घटना हूंणि रैंद।

एसपी ट्रैफिकन बोलि कि दिख्यें ज्यां त पुळा क खम्बा गोळ हूंण चैंणा छायीं पर ऊथैं चकोर बण्येग्यें। जै कारण सदिन जमा लग्यूं रैंद।

एसपी न बोलि कि ऐ बारा मा उन्न सड़क सुरक्षा समिति थैं एक चिट्ठी लेखि। जै से पुळ मा औरि सुधार कर्यें जै सक्यां।