नै सत्र बटि प्रदेस मा 3000 से जादा स्कुल ह्वै जाला बन्द
देरादूण। नै शिक्षा सत्र बटि प्रदेस मा 3000 से जादा स्कुल ह्वै जाला बन्द। प्रदेस सरकार क ऐ फैसला क बाद शिक्षा निदेशालयान सबि स्कुळु खूंणि आदेश जारी कै याली।
बतै दियां राज्य सरकारन ऊ सबि स्कुळु थैं बन्द करणा क फैसळा लियाळि जौ मा स्कुल्यां नौन्याळु बौत कम छन। पाड़ मा जै स्कुळु मा 5 अर 5 से कम पढ़ण वळा नौन्याळ छन। वै स्कुळु थैं नै शिक्षा सत्र बटि बन्द कर्ये जालु व वखि मैदाना क तोक मा 10 नौन्याळु से कम संख्या वळा स्कुळु थैं बन्द कर्यें जालु। राज्य मा इन्न स्कुळु क सख्यां चार हजार से जादा च।
उत्तराखण्ड मा सरकारि स्कुळु क हालात बौत खराब च। कखि स्कुळु क इमारतु क हालता बौत खराब छन तक कखि स्कुळु मा मास्टर नीं छन, त कखि एक हि मास्टर छन।
प्रदेस क बणणा क 22 साल बाद आज भि प्रदेस मा सरकारि स्कुळु क हलात बौत खराब च। सरकरि स्कुळु थैं पब्लिक स्कुळ बण्यंे जाणा खूंणि सदनि बात हूंणि रैन्द पर अब सरकरि स्कुळु मा ताळु लगौंणा क बात हूंणि च। या स या बात समझें जै सकदन कि प्रदेस मा शिक्षा बदबस्त क क्या हाल छन।