द्वी दिन मा हि ह्वै विधानसभा सत्रै कारवै खतम, कांग्रेस न खड़ा करिन सवाल

देरादूण। द्वी दिन मा हि विधानसभा सत्र थैं खतम करणा फर कांग्रेन अपड़ि नराजगी जतै अर बोलि कि सरकार सात दिनकु सत्र थैं द्वी दिनमा निपटैं कि मैदान छोड़कि भगड़ि च।

त दूसर तरफौं विधानसभा अध्यक्षन बोलि कि बिना कामकु सत्र थैं चलौंण बेमानी च।

कांग्रेस प्रेदस पार्टी अध्यक्ष करण महरा न बोलि कि उत्तराखण्डा क कार्य संचालन समिति न सत्र चलौंणा खूंणि एक साल मा कम से कम 60 दिन तय कर्यां छन, पर यु प्रदेसा क निखाणि च कि कै भि वित्तीय सत्रा मा 15 से 18 दिन सत्र बड़ि मुसिकलन चलणु च। उन्न बोलि 70 विधानसभा मा अपड़ि अपड़ि दिकदरि छन। इन्न मा द्वी दिनकु सत्र मा कनैकैकि प्रदेस रैवासियों क दिकदरि थैं ठीक कर्यें जालु।

महारा न बोलि कि अखंडि (पूर्ण) बहुमत अर द्वी इंजनु क सरकार हूंणा क बाद भि सरकार विपक्षा क सवाल सूंणि क डरणि च। उन्न बोलि पिछळ पांच साळु मा सोमवार खूंणि कभि सत्र नीं बुल्येग्यें किलैकि ऐ दिन मुख्यमंत्री मा जगत विभाग छन वै फर सवाल पुच्छें जन्दिन। उन्न बोलि कि मुख्यमंत्री मा इतगा भि हिकमत भि नीं च कि वु सदन मा विपक्षा क सवाळु कु जवाब दे सकणा छन।

त दूसर तरफ विधानसभा अध्यक्षान बोलि कि बिना कामाकु सदन थैं चलौंणा मि खूंणि बेमानी ह्वालु। उन्न बोलि कि सत्र सात या दिन तक चल्यें ज्यां, वु कै खूंणि राजनीतिक ह्वै सकदू। उन्न बोलि कि सत्र प्रदेस क रैवासियों क पैसौं न चलदु। इल्लै जतगा दिनकु काम ह्वाळु सत्र उतगै दिन तक चललु। उन्न बोलि द्वी दिन तक कै मुद्दों फर विचार ह्वै। जैमा व्यटुलों खूंण् िआरक्षण बिल पास कर्यें ग्यें जु ऐतिहासिक कदम च।