किच्छा विधानसभा तोक मा कानून कु बन्दबस्त खराब हूंणाक करण विधायक बेहड मुख्यमंत्री क घौरक भैर धरना मा बैठिग्यीं

देरादूण। किच्छा तोक मा लगातार बिगड़नी काननून कु बन्दबस्त क खिलाफ आप किच्छा विधायक तिलकराज बेहड़ न मुख्यमंत्री आवास क भैर मा धरना दे। उन्न किच्छा विधानसभा तोक मा कानून क बन्दबस्त खराब हूंणि क दगड़ मा पुलिस फर भि आरोप लग्यें।

बतै दियां कि पैळि बटि उर्र्यू कार्यक्रम मा आज किच्छा विधायक तिलकराज बेहड़ न मुख्यमंत्री क घौर मा पौंचिक सत्ता पक्ष क लोगुक जरिया कर्यें जाण वळु घपरोल क विरोध मा धरना दे। उन्न बोलि कि किच्छा विधानसभा तोक मा कुछ सत्ता क लोग लगातार कांग्रेसाक कार्यकर्ताओं क दगड़ मा घपरोल करणा रैन्दन। उन्न बोलि कि किच्छा तोक मा कानून कु बदबस्त पूरि तरौं बिगड़ि ग्यें। उन्न बोलि कि पुलिस सत्ता के लोगु क दगड़ मा खड़ि च। उन्न आरोप लग्यें कि किच्छा मा अवैध खनन हूंणू च अर पुलिस खनन करण वळों के दगड़ मा मिलि च। उन्न बोलि कि ऐ मामलु मा मुख्यमंत्री से मिलणा खूंणि जाणु छायी पर मिथैं पुलिसन रोकि दे। जैका बाद विधायक वखिम धरना मा बैठिग्यें।

ऐ मौका फर उंका दगड़ मा महानगर कांग्रेस अध्यक्ष लाल चन्द्र शर्मा अर कांग्रेसी छायी।