मुख्यमंत्रीन मड थेरेपी थैं अगनैं बढ़ौंणा अपडा़ शरैल थैं गीळु माटुल लिपी
देरादूण। मुख्यमंत्री धामीन आज टनकपुर मा सूर्योदय सेवा समिति क उर्यू अंतरराष्ट्रीय प्राकृतिक चिकित्सा अर योग संगोष्ठी कार्यक्रम मा भाग ल्यें।
ऐ मौका फर मुख्यमंत्रीन पुरातन अर प्राकृतिक मड थेरेपी थैं अगनैं बढ़ौंणा खूंणि गीळु माटुळ अपड़ा शरैल (मड बाथ) थैंं भि लिपी। मुख्यमंत्री न राष्ट्रीय प्राकृतिक चिकित्सा दिवसा क मौका फर बधै दे अर बोलि कि उत्तराखण्ड मा प्राकृतिक संसाधन खुब छन।
ऐ मौका फर उन्न प्राकृतिक चिकित्सा मा अच्छु काम करण वला मास्टर अर स्कुळि नौन्याळु थैं भि सम्मानित कायीं।
मुख्यमंत्रीन बोलि कि ऋषि अर संत क तपस्थली उत्तराखण्ड सदनि सर्या दुन्या क भलै खूंणि प्रचार-प्रसार करणि रैंद। मुख्यमंत्री न बोलि कि उत्तराखण्ड योग, आयुष अर आध्यात्म क धरती च। उन्न बोलि कि आध्यात्मिक अर धार्मिक चेतना क जागृति कु मिलन देवभूमि मा हि दय्खणा खूंणि मिलदु।
मुख्यमंत्री न बोलि कि पुरण जमना बटि आयुर्वेद, प्राकृतिक चिकित्सा अर योग क ज्ञान थैं यखकि धरती बटि हि हमरा ऋषियों न सर्या दुन्या थैं बतै।
मुख्यमंत्रीन बोलि कि राज्य सरकार प्राकृतिक चिकित्सा थैं अगनै बढ़ौंणा खूंणि अर यांकु प्रचार करण खूंणि लगातार कोसिस करणि च। उन्न बोलि आज पूरि दुन्या मा हमरि पुरणि संस्कृति कु आधार ‘योग’ अर यांकु महत्व थैं भि समझि।
ऐ कार्यक्रम मा जिलाधिकारी नरेंद्र सिंह भंडारी, पुलिस अधीक्षक देवेंद्र पींचा, भाजपा जिलाध्यक्ष सुश्री निर्मल महरा, प्रदेश मंत्री हेमा जोशी क दगड़ मा औरि लोग छायीं।