मुख्यमंत्री धामीन क बैठक थैं छोड़िक चळिग्यीं हल्द्वानी क विधायक सुमित हृदयेश

हल्द्वानी। मुख्यमंत्री धामीन क बैठक मा सामिल हल्द्वानी क विधायक सुमित हृदयेश अफसरु से इतगा नाराज छायीं कि बैठक थैं छोड़िक चळिग्यीं।

मुख्यमंत्री धामी न आज हल्द्वानी मा एक बैठक उर्यीं छायीं। बतै जाणु क बैठक से पैळि हल्द्वानी क विधायक सुमित हृदयेश नाराज ह्वैंग्यीं। ऊंकु ब्वन छायीं कि यखकु विधायक हूंण क कारण ऊंथैं शहर मा हूंणि वला विकासा क कामु क बैठक सामिल कर्यें जाण चैंदु छायीं। उन्न बोलि कि 12 बैठक उर्यें ग्यीं अर ऊथैं एक भि बैठक क जाणकारि नीं च। आज नगर निगमाक तरफ बटि ऊथैं बुल्यें ग्यें छायीं पर अफसरु न ऊंका लोगु कि बेजति कायीं।

मुख्यमंत्री क बैठक मा सामिल हूंण खूंणि बैठक मा पौच्यां विधायक सुमित हृदेयश अफसरु से इतगा रुस्यां छायीं कि विधायक गाली दिन्दा दिन्दा बैठक छोड़िक चळिग्यीं ।

सुमित हृदयेश न बोलि कि सबि अफसर भाजपा क एजेन्ट क तरौं काम करणा छन। जै कारण वु बैठक थैं छ्वोड़िक जाणा छन। जै का बाद उन्न अपड़ा कार्यकताओं क दगड़ मा सड़कि मा हि धरना मा बैट्ठिग्यीं। उन्न बोलि कि विधानसभा सत्र मा वु विशेषाधिकार हनना कु मामला थैं उठौंळा।