जिला सहकरि बैंक घोटाला गणेश गोदियाल न बोलि बिरळु थैं हि दूद क जग्वाळि दियें जाली त दूद कनु कैकि बचळु

देरादूण। जिला सहकरि बैंक (डीसीबी) मा ह्वै भर्ति घोटाळों मा कांग्रेस क पैल्यक अध्यक्ष गणेश गोदियाल दुबरा कैबिनेट मंत्री धन सिंह रावत थैं घेयरणाक कोसिस कायी।

धन सिंह रावत फर निसाणा लग्यें कि बोलि क जब बिरळु थैं हि दूदू क जग्वाळि दियें जाली त दूद कनु कैकि बचळु?

गोदियाल न बोलि कि कांग्रेस न पैलि भि य मांग कै छायीं कि जब तक धन सिंह रावत अपड़ा पद बटि इस्तीफा नीं देन्दा तब तक एक मामला मा क्वीं कारवै नीं ह्वै सकदि। गोदियाल न बोलि कि ऊंकी जाणकारि मा च कि द्वी बार ऐ घोटाला क जांच पूरि हूंण क बाद फैल कैबिनेट मंत्री धन सिंह रावत क समणि पौंछि ग्यें पर मंत्री द्विया दा फैल थैं फरकै दें। उन्न बोलि कि इन्न मा आखिर कन्कै कै फर भरोसु करंे जै सकदू , ज दूद के जग्वळि खंूणि बिराळु थैं धैर ज्यां।

सहकारिता विभाग मा भर्ति घोटाळों पर गोदियान बोलि कि यु घोटाला मंत्री न कायी। उन्न मुख्यमंत्री से मांग कायी कि धन सिंह रावत के विभागु क सकत जांच कर्यें ज्यां त धन सिंह रावत उत्तराखण्ड हि ना सर्या देस मा सबसे बड़ा घोटाला बाज मंत्री साबित ह्वाला।

बतै दियां कि दिसम्बर 2020 मा चतुर्थ श्रेणी क 423 पदु क भर्ति सुरु ह्वै छायीं। सुरू मा हि या भर्ति घोटाळा मा ऐग्यें। अधिकारियों अर नेतौंन अपड़ा-अपड़ा लोग भर्ति कै दीं। भर्ति घोटाळों क जांच ह्वै पर कै फर भि क्वीं कारवै नीं ह्वै। उन्न बोलि कि यांकु कारण यौं च कि मंत्री खुद घेर मा आणा छन।