कमला कु “कमाल”, मिलि ग्यें “मैं उत्तराखण्ड हूं” सम्मान

देरादूण। सोशल मीडिया मा उत्तराखण्ड क मनखियों अवाज अर ब्यटुळों खूंणि मिसाल कमला रावत क अलग हि पछ्याण च। चमोली मा दूर गौं ठेली मा रैंणा क बाद भि कमला जन्न सोशल मीडिया मा अपड़ि अर ळोगुक दिकदारि यों थैं उट्ठौंन्द वै थैं सबि जणदन।

राज्य स्थापना दिवस खूंणि रेडियो चैनल क उर्यूं कार्यक्रम मा कमला थैं मुख्यमंत्री धामीन ‘मैं उत्तराखण्ड हूं’ सम्मान से सम्मानित करे ग्यें।

कमला सोशल मीडिया मा ळोगुक “धै” बणिग्यें। कमला अपड़ा तोक मा हूंणि वळि दकदारियों थैं ठीक कैकि ळोगु क भलु करणि रैंद। कमला न बोलि कि यु सम्मान पाड़ अर गौं मा रैंण वळा सबि ब्यटुळौं कु सम्मान च। उन्न बोलि कि गौं मा रैंण वळा व्यटुळा आज भि अपड़ि दिकदारि खूंणि समणि नीं आन्दि अर टुप्प कैकि अपड़ि तरफ बटि जतगा ह्वै सक्या समाज क मदत करणि रैंद। इन्न मा यु सम्मान पाड़ क सबि ब्यटुळौं थैं अग्वाड़ि आणा कु हिकमत देळु।