उत्तराखण्ड उद्यान विभागा क अपर निदेशक निलंबित

देरादूण। उत्तराखण्ड उद्यान विभागा का अपर निदेशक निलंबित करें ग्यें। उद्यान विभागा का मंत्री गणेश जाशी न अपर निदेशक आर के सिंह थैं विभागु क कामु मा लापरवै करणा क मामला मा या करवै कायी।

उत्तराखण्ड मा बौत सर्या परियोजनों मा अधिकारियों के लापरवै समणि आणि रैंद पर अबाकि दा उद्यान विभागा का अधिकारियों थैं या लापरवै बौत भारी प्वोड़ि ग्यें। उद्यान विभागा क अपर निदेशक आर के सिंह थैं कैकि बात थैं नीं सुणणा अर काम मा लापरवै करणा क कारण विभागीय मंत्री न निलंबित करणा क आदेश कै दीं।

बतै जाणु च कि आर के सिंह पैळि बटि अपड़ा काम मा लापरवै करणा खूंणि सदिन विवादु मा र्यां। अपर निदेशक आर के सिंह क बारा मा या सिकैत सचिवालय मा बैठक मा समिणि ऐ। जैका बाद विभागीय मंत्री गणेश जोशी न आर के सिंह थैं निलंबित करणा क आदेश दे दीं।