उत्तराखण्ड राज्य आंदोलनकारी मंचन अंकिता क कतल क जांच सीबीआई से करणा क कायी मांग

देरादूण। उत्तराखण्ड राज्य आंदोलनकारी मंचन आज इत्वार खूंणि गांधी पारका क गेट पर धरना द्यायी अर अंकिता क कतला सीबीआई जांच करणा क मांग कायी।

धरना क बाद उत्तराखण्ड राज्य आंदोलनकारी मंचन मुख्यमंत्री धामीन थैं तहसीलदार एस. एस. रांगड क जरिया ज्ञापन द्यायी।

मंचन क अध्यक्ष जगमोहन सिंह नेगी न बोलि कि अंकिता क कतल क मामला मा अंकिता क कुटम्दरि थैं इंसाफ दिलौंणा खूंणि प्रदेसा क बौत सर्या संगठनौं न सरकार फर दबाव बण्यूं च। उन्न बोलि कि ऐ मामला मा सरकार थैं अब सीबीआई से जांच करौंण चैंद। यांका अलावा प्रदेस मा निकलण वळि भर्ति मा पैल्यक तरौं ब्यटूळों थैं 30 प्रतिशत अर राज्य आन्दोलनकारियों थैं 10 प्रतिशत क्षैतिज आरक्षण देंणा खूंणि अध्यादेस एक्टा क मांग कर्यें ग्यें।

जिलाध्यक्ष प्रदीप कुकरेती न बोलि कि मुख्यमंत्री की घोषणा क बाद भि चिह्नीकरण नीं हूंणा छन। उन्न प्रदसे मा भू-कानून अर मूल निवास थैं लागू करणा क मांग भि कायी।
धरना कु संचालन पूरण सिंह लिंगवालन कायी।

धरना देंण वळों मा महेंद्र रावत, हयात सिंह गुसाईं, विक्रम भंडारी, प्रमिला रावत, जगमोहन मेंहदीरत्ता, पुष्पलता सिलमाना, उर्मिला शर्मा, सत्या पोखरियाल, सुलोचना भट्ट, अरुणा थपलियाल, देवेन्द्र नौटियाल, भोपाल चौधरी, धनीलाल शाह, चंद्रमणि जोशी, मुरारीलाल खंडेलवाल, द्वारिका बिष्ट, रामलाल खंडूड़ी, प्रदीप कुकरेती, पूरण सिंह लिंगवाल, मोहन सिंह रावत, संतन सिंह रावत, जयदीप सकलानी, लोक बहादुर थापा, प्रभात डंडरियाल, मोहन खत्री, विनोद असवाल, सतेन्द्र नोगाईं, प्रभात डंडरियाल, विरेन्द्र गुसाईं, सुदेश सिंह, ध्यान सिंह बिष्ट, धर्मानन्द भट्ट, लक्ष्मी बिष्ट, रामेश्वरी रावत, सुलोचना गुसाईं, हरी सिंह मेहर, शारदा बहुगुणा, विमला नेगी, राम दुलारी, बसंती रावत छायीं।