तृतीय केदार भगवान तुंगनाथा क द्वार भोळ ह्वाळा बन्द

रुद्रप्रयाग। पंच केदारू मा तृतीय केदार भगवान तुंगनाथा क द्वार बन्द हूंण सबि त्यारि पूरि ह्वैग्यें। भोल सुबेर 11 बजिक 30 मिनट पर वेद पूजा क बाद विधि विधान से भगवान तुंगनाथा क द्वार ह्यूंद क मैनों खूंणि बन्द कर्यें जाला।

मंदिर समिति के सदस्य श्रीनिवास पोस्ती न बतै कि भगवान तुंगनाथ क द्वार बंद हूंणा सबि त्यारि पूरि ह्वैग्यीं। उन्न बोलि कि सोमवार खूंणि भगवान तुंगनाथा क द्वार बन्द हूंणि क बाद भगवान तुंगनाथा क चल विग्रह उत्सव डोळि कैलाश बटि चलालि अर बासा रात्रि चोपाता मा राली।

जैका बाद 8 नवंबर खूंणि भगवान तुंगनाथा क डोळि बनियाकुंड, दुगलबिट्टा, मक्कू, बनातोली ह्वैकी बासा भनकुंड मा राळी।जैका बाद 9 नवम्बर खूंणि भगवान तुंगनाथ क डोळि ह्यूंद क दिनों क गद्दी मक्कूमठ मा विराजमान ह्वैळी। 10 नवम्बर बटि भगवान तुुंगनाथा क पूजा मक्कूमठ मा ह्वैळी। उन्न बोलि बल ह्यूंदि क मैनों मा भगवान तुंगनाथा क दर्शन यखि करें जै सकदन।