यूकेएसएसएससी पेपर लीक मामला तीन गैंगस्टरू थैं मिलि ग्यें जमानत

देरादूण। उत्तराखण्ड अधीनस्थ सेवा चयन आयोग पेपर लीक मामला मा आज छंचर खूंणि तीन गैंगस्टरू क जमानत ह्वै ग्यायी। देरादूण गैंगस्टर कोर्ट क खास जज चंद्रमणि राय क अदालतन 50 -50 हजार रुप्यौं क निजी मुचलकों फर गैंगस्टर एक्ट क आरोपी जगदीश गोस्वामी, चंदन मनराल अर बलवंत रौतेला थैं जमानत दे द्यायी।

ऐ मामला मा अबि तक 22 अरोपियु क जमानत ह्वैग्यें।

कोर्ट मा सूण्यें मा बचाव पक्ष क वकील चंद्रशेखर तिवारी न बोलि कि जगदीश गोस्वामी जु एक मास्टर छन। ऊथैं पेपर लीन मामला मा पैळि हि जमानत मिळिग्यें पर वु गैंगस्टर एक्ट लगणा क कारण अबि जेल मा हि छन। वकील तिवारी बतै कि कोर्ट न बोलि कि जगदीश गोस्वामी फर गैंगस्टर एक्ट झूट्ठु अर गलत लग्येंग्ये, यांकु क्वीं सबूत नीं च। कोर्टन तीन औरि आरोपियों थैं भि खास गैंगस्टर कोर्ट बटि जमानत दे द्यायीं।