बाबा केदाराक रक्षक भैरवनाथ क द्वार ह्वैग्यी बन्द

रुद्रप्रयाग: बाबा केदारा क रक्षक भैरवनाथ क द्वार आज विधि विधान स बंद ह्वैग्यी। जैका बाद केदानाथ धाम मा कपाट बन्द हूंण क त्यारि सुरू ह्वै ग्यें। 27 अक्टूबर खूंणि केदारबाबा क धाम छै मैना खूंणि बन्द ह्वै जाला।

भैरवनाथ थैं भगवान केदारा क रक्षक क रूप मा पूज्यें जान्द। केदार बाबा क मंदिर क द्वार बन्द हूंण से पैळि भैरवनाथ क द्वारबन्द हूंदन। भैरवनाथ क द्वार छंचर या फिर मंगळबार खूंणि बन्द हूंदन। इन्न मा ऐसु क साल छंचर खूंणि भैरवनाथ क द्वार विधि विधान से बन्द कर्यें ग्यीं। ब्वलें जांद कि केदानाथ मा जाण वला जातरियों थै भैरवनाथ क दर्शन जरूर करण चैंदन।