प्रधानमंत्री मोदी न माणा गौं मा 3400 करोड़ रुप्यौं से जादा विकास योजनों कु कायी शिलान्यास

चमोली। प्रधानमंत्री मोदीन उत्तराखण्ड क माणा गौं मा उर्यूं कार्यक्रम मा 3400 करोड़ रुप्यौं से जादा विकास योजनों क शिलान्यास कायी। प्रधानमंत्री न बोलि कि आज क दिन बाबा केदार अर भगवान बदरी विशाल क आशीष लेकैकि जिन्दगि धन्य ह्वैग्यें। प्रधानमंत्री मोदी न माणा गौं मा स्वयं सहायता समूह क ब्यटुळों क बणयीं चीजु कु बढ़ै कायी अर बोलि कि मां, बैणि बौत अच्छु काम करणि छन। प्रधानमंत्री न देस क रैवासियों से बोलि जातरा मा जतगा भि खर्च करदो वैकु 5 प्रतिशत यखक चीजु थैं मूल्यांण मा खर्च कर्यां।

प्रधानमंत्री न बोलि कि कोरोना काल मा हमन दवै पाड़ तक पौंच्यें। उन्न बोलि कि उत्तराखण्ड अर हिमालचन बौत अच्छु काम कायी। उन्न बोलि कि गरीब कल्याण योजनाळ लाखु मनखियों थैं फैदा हूंणू च। डबल इंजन सरकारन होम स्टे अर स्किल डेवलपमेंट से ज्वानु थैं जोड़ि दें।

मुख्यमंत्री धामी न बोलि कि बल प्रधानमंत्री न अगनै रै कि आज देस क सांस्कृतिक अर पछ्याण थैं अगनै बढ़ौंणा छन। उन्न बोलि कि सनातन संस्कृति क निशाण (झण्डा) आज सर्या दुन्या मा फैंरणु च। जु हमरा आस्था अर इतिहास गौरव थैं बतौंणु च।

ऐ मौका फर राज्यपाल लेफ्टिनेंट जनरल गुरमीम सिंह कैबिनेट मंत्री डॉ धन सिंह रावत, सौरभ बहुगुणा, पैल्यक मुख्यमंत्री अर पौड़ी सांसद तीरथ सिंह रावत, भाजपा प्रदेश अध्यक्ष महेन्द्र भट्ट वखम छायीं।