उच्च न्यायालयन प्रदेस मा भर्ति घोटालों क जांच सीबीआई बटि कराणा क मांग नीं मानि

नैनीताल। नैनीताल उच्च न्यायालन न उत्तराखण्ड मा ह्वै भर्ति घोटाळौं थैं लेकैकि विधायक भुवन कापड़ी क ऐ मामला मा सीबीआई जांच करणा क मांगकि याचिका थैं वापिस कै दे।

ऐ मामला मा आज उच्च न्यायालय मा न्यायधीश संजय मिश्रा क खंडपीट न सुणें कायी। सुणें मा कोर्ट न बोलि ऐ मामला मा राज्य सरकार क जांच चलणि च अर जांच सै हूंणि च। भर्ती घटाळों मा लगातार घोटाला करण वला पकडे़ जाणा छन। इल्लै ऐ मामला मा सीबीआई जाचं करणा कु क्वीं कारण नीं च बोलिक उच्च न्यायालन भुवन कापड़ी क याचिका थैं वापिस कै दे।