अंकिता कतल क मामला मा सीबीआई जांच क मांग थैं लेकैकि तिंरगा जातरा, 32 ळोगु थैं पुलिस पकड़ि

ऋषिकेश। अंकिता कतल क मामला मासीबीआई क जाचं करणा क मांग थैं लेकैकि अंकित गौ पौड़ी बटि ऋषिकेश तक तिंरगा जातरा निकलें ग्यें। तिरंगा जातरा आज जनि ऋषिकेश बैराज मा पौंचि पुलिस न जातरा थैं बैरिकेटिंग लग्यें के रोकि दे। तिरंगा जातरि अगनै जाणा क जिद करणा छायीं, जैका बाद पुलिस के बीच तकरार ह्वैग्यें। जै कारण स एक नौना मुण्ड बटि खूनि क धारु निकळि ग्यें। तिरंगा जातरियों कु ब्वन छायीं कि पुलिस न डण्डा मारिक वैकु मुण्ड फ्वोड़ि।

जै का बाद ब्यटुळा सड़क्यिों मा बैठी कि नाराबाजी करण लग्येंन। व्यटुळा वनतारा रिसोर्ट मा जाण क मांग करणि छायीं। जैका बाद पुलिस 32 लोगुथैं पकड़िकि लक्ष्मण झूला थाना मा ल्यें अर निजी मुचलकों पर छोड़ि दे।

मंगलवार 12 बजि अंकिता गौ बटि चलि तिरंगा जातरा जनि ऋषिकेश मा पौंचि उन्न पुलिसन चीला बैराज मा जातरा थैं रोक्कि दे। तिंरगा जातरियों न ब्वन छायी कि हम अंकिता कतल क जांच सीबीआई क करौंणा क मांग थैं लेकैकि टुप्प (शांति पूर्वक) कैकि जातरा करणा छा अर पुलिस पाड़ क नौनि थैं इन्साफ दिलौंणा मा हमरू वाटु थैं रवक्णि च।

ऐ मौक अपर पुलिस अधीक्षक पौड़ी शेखर सुयाल, पुलिस उपाधीक्षक श्रीनगर श्याम दत्त नौटियाल, प्रभारी निरीक्षक लक्ष्मण झूला विनोद गुसाईं अर फोर्स छायी।