मुख्यमंत्री धामी न कायी राजदूतौं क दगड़ भेट
देरादूण। मुख्यमंत्री धामीन आज अपड़ा घौर मा भैर देसु मा काम करणा वला भारत क सात राजदूतौं क दगड़ भेट कायी।
मुख्यमंत्री न बोलि कि प्रदेस क वन डिस्ट्रिक्ट टू प्रोडक्ट योजना थैं भैर देसु मा बढ़ौंणा खूंणि राजदूतौं क मदत लियें जाली।
मुख्यमंत्री न बोलि कि प्रदेस मा हूंण वला पैदाबार, टूरिज्म, हमरि पच्छ्याण अर संस्कृतिक विरासत क बारा मा जानकारि, जु लोग भैर देस मा छन अर उत्तराखण्ड मा आण चाणा छन उथैं दियें जाण चैंद।
मुख्यमंत्री न यां खूंणि एक अलग कार्य योजना बणौंण खूंणि बोलि।
ऐ मौका फर भैर देसु मा काम करण वला राजदुतौं न सलाह दे कि राज्य क पाड़ मा हूंण वलि पैदाबार अर खाणु थैं प्रदेस मा अगनै बढ़ौंण चैंद। राज्य क पैदावार थैं अगनै बढ़ौणा खूंणि उंकी ब्रांडिंग अर पैकेजिंग बौत अच्छी हूंण चैंद।
ऐ मौका फर स्वीडन मा भारतीय राजदूत तन्मय लाल, तजाकिस्तान मा राजदूत विराज सिंह, पनामा मा राजदूत उपेन्द्र सिंह रावत अर औरि राजदूत अर सचिव डॉ. पंकज कुमार पांडेय, अपर सचिव नितिन भदौरिया छायी।