दारोगा भर्ति घपला मा विजिलेंस थैं मिळि पक्का सबूत, जाणि बुझिक ओएमआर सीट जगयें ग्यें

देरादूण। उत्तराखण्ड दरोगा भर्ति घोटाला 2015-16 मा जन्नि जांच अगनै बढ़णि च उन्नि नै-नै खुलासा हूंणा छन। विजिलेंस न अबि तक 12 घपलाबाजों पर मुकदमा कै याली अर अब बत्यें जाुण च कि विजिलेंस आंखियों मा 40 से 75 दरोगा छन, जु इमत्यान मा घपला कायी दरोगा बण्यां छन।

विजिलेंस न नै खुलासा कायी कि पंतनगर विश्वविद्यालय न जाणि बुझिक ओएमआर सीट थैं जगै छायीं। ओएम आर सीट क मामला मा 12 घपलाबाज सामिल छन, जै मा 5 दुसर मामलों मा जेल मा बन्द छन।

पंतनगर विश्वविद्यालय मा ओएमआर सीट थैं नियमों क जरिया नि जग्यें ग्यें बल्कि जाणि बुझिक जगयें , किलैकि यां से पैल्यिक ओएमआर सीट विश्वविद्यालय मा अबि भि छन। साफ च कि ऐ मामला मा जाणि बुझिक बडु घपला करै ग्यें।

विजिलेंस एडीजी अमित सिन्हा न बतै कि कतगा ओएमआर सीट जगयें ग्यीं यांका बारा मा अबि सै-सै नीं बत्यें जै सकदु पर जांच मा या बात समिणि आणि च कि ओएमआर सीट मा घपला कर्यें ग्यें। एडीजी ने बतै कि जांच टीम थैं पक्का सबूत मिल्यां छन। उन्न बोलि कि जै क आधार पर कारवै करै जाली। उन्न बोलि कि ओएमआर सीट थैं जलौंणु हि सक पैदा करणु च।

अधिकारिक सूत्र बतौंणा छन कि ओएमआर सीट थैं नियमाक अनुसार वीड आउट नी कर्यें ग्यें। बतै दियां कि यां खूंणि एक कमटी बण्यें जान्द। कमेटी क हां ब्वलण पर हि वीड प्रक्रिया हूंद, जैमा कमेटी अध्यक्ष अर सदस्यु क दस्तखत हुन्दन पर यख जारी सहमति मा अध्यक्ष अर सदस्यु क दस्तखत हि नी छन, साफ च ओएमआर सीट थैं जाणि बुझिक जगयें ग्यें