प्रदेस मा क्वीं माफिया तंत्र काम करणु च, जु धामी सरकार थैं बदनाम करणु च: त्रिवेन्द्र सिंह रावत

देरादूण। प्रदेस मा कानून बदोबस्त पर कांग्रेस सरकार लगातार प्रदेस सरकार पर हमला करणि च अर सवाल खड़ा करणि च।

त इन्न मा अब प्रदेस अर भाजपा के पैल्यक मुख्यमंत्री त्रिवेन्द्र सिंह रावत न भि प्रदेस में लगातार हूंण वलि घटनाऔं पर अपड़ि चिंता जतै अर बालि कि इन्न लगणु च कि प्रदेस मा क्वीं माफिया तंत्र काम करणु च। जु प्रदेस मा अपड़ि चळौंणु च। उन्न बोलि प्रदेस मा एक बौत अच्छी सरकार चलणि च, अर माफिया वै थैं नुकसान पौंचाणा कु काम करणु च।

उन्न बोलि कि क्वीं माफिया प्रदेस मा ऐग्यें जु धामी सरकार थैं बदनाम अर सरकार थैं नुकसान पौचाणा कु काम करणु च। उन्न बोलि कि सौरभ बहुगुणा थैं जब धमकी मिळि त मिन उसे बात कायी। त्रिवेन्द्र न बोलि कि जन्नि घटना हूंणि छन अर लगातार हूंणि छन, हमथैं स्वचण क दरकार च कि आखिर यांक पिछनै कु लोग छन।