मुख्यमंत्री न घप्प बस अड्डा (आईएसबीटी) जैकि बदोबस्त देखि, जातरियों क दगड़ कायी बातचीत
देरादूण। मुख्यमंत्री पुष्कर सिंह धामीन आज घप्प देरादून मा बसअड्डा मा (आईएसबीटी) मा पौंचिक बखक बदोबस्त थैं देखि।
ऐ मौका फर मुख्यमंत्री न आईएसबीटी मा सफै, पेंणा कु पाणि, शौचालय, टिकट खिड़की क बदोबस्त थैं देखि। मुख्यमत्रीं न बसु मा बैट्ठा जातरियों क दगड़ मा भि बात कायी।
बस अड्डा मा सफै कु बदोबस्त ठीक नीं हूंण पर मुख्यमंत्री न जिमेदार अफसर थैं खबरदा कै अर सफै क बदोबस्त थैं ठीक करणा खूंणि बोलि।
मुख्यमंत्री न बोलि कि बस अड्डा मा पेंणा क साफ पाणि कु बदोबस्त कर्यें ज्यां। उन्न बोलि कि जल्दी ही दुबरा बस अड्डा थैं दय्यखा खूंणि औळु अर तब सबि बदोबस्त ठीक हूंण चैंदन, नथर जिमेदार अफसर अर कर्मचारी पर सखत कारवै करें जाली।
मुख्यमंत्री न टिकट खिड़की फर जैकि बदोबस्त थैं भि देखि अर बोलि बस जाण सै पैलि जातरियों थैं बस अर बसु क जाणा कु बगतक सूचना थैं बतौंण क बदोबस्त ठीक हूंण चैंद।
मुख्यमंत्री धामी न बोलि कि जल्दी ही विभाग दगड़ मा एक बैठक कर्यें जाली। उन बोलि कि बस अड्डा क इन्न फुन्ने बगीचा लगौंण कु काम भि कर्यें ज्यां जै से बस अड्डा सुन्दर लग्यां। उन्न बोलि कि बस अड्डा मा चौछ्ड़ि सीसीटीवी कैमरा सदिन ठीक हूंणि चैंदन। उन्न बोलि कि जातरियों क क्वीं भि दिकदारि नि हूंण चैंद। उन्न बोलि परिवहन विभाग बस अड्डाक दरकार थैं पूरि कर्यां।