हरीश रावतन बोलि – भगवान मिथैं माफ कर्यां, उत्तराखण्ड मिथैं माफ कर्यां , मिसे क्वीं बौत बड़ी गलती ह्वैग्यें

देरादूण। उत्तराखण्ड मा हूयां भर्ति क इमत्या हूंया घपरोल मा एसटीएफन आयोग क तीन पैल्यक अधिकारी आरबीएस रावत पैल्यक अध्यक्ष, सचिव मनोहर कन्याल अर पैल्यक परीक्षा नियंत्रक आरएस पोखरिया थैं पकड़िक जेल मा भेजि दें। यांक बाद हरीश रावतन अपणु ज्यूं कि पिड़ा सोशल मीडिया मा लेखि उन्न बोलि बल –

अधीनस्थ सेवा चयन आयोग क पैदा हूंणि अर खतम हूंण क बात से बौत पिड़ा हूंणि च। बौत बड़ी उमेदळ हमन ईं संस्था थैं मेडिकल शिक्षा क भर्ति चयन बोर्डों थैं प्राविधिक शिक्षा बोर्ड क इमत्यान करणा क मंजूरि देेे छायीं। ज्यूं मा इन्न आस छायीं बल सर्या भर्तियों थैं बगत, अर नियम फर बिना घपरोळ क सबि भर्ति ह्वै सक्यां।

राज्य जै थैं हमन पिछनै द्वारा बटि अर आउट सोर्स भर्तियों खूंणि स्वर्ग बण्यें याली। ज्वान नौन्याळु कु भवैष्य सुरक्षित रय्यां यां खूंणि हमन यु संस्थावु थैं खडु़ कै छायीं। मेरी इच्छा छै कि ज्वान नौन्याळु क ज्यूं (मन) मा विश्वास पैदा हूंया, वु मेनत करला, त ऊथैं बगत पर नौकरि मिलि जाली।

उन्न बोलि बल मिन बड़ा नापि तोलिक पैल्यु अध्यक्ष अर आयोग क सदस्य थैं नियुक्त कै छायीं। मेडिकल भर्ति बोर्ड अर वैका अध्यक्ष थैं नियुक्त कै छायीं। यख तक कि बन्द हूंया लोक सेवा आयोग थैं भि काम करण लैक बण्यें अर इमत्यान करयें। आयोग मा घपरोल क शिकैत ऐ त आयोग क अध्यक्षा कु इस्तीफा मांगि अर नै अध्यक्ष थैं भर्ति कै। उन्न बोलि कि हमन द्विया अध्यक्षों क बारा मा पूरि जाणकारी ल्यें कैकि ऊथैं नियुक्ति दे छायीं। उन्न बोलि बल पर आदमि कब अर कख, कै बगत मा क्या गलत काम करद या क बारा मा क्वीं भवैष्यवाणी नि कै सकदू।

भगवान मिथैं माफ कर्यां, उत्तराखण्ड मिथैं माफ करयां। सैद यु संस्थावु मा भर्ति कर्मचारियों क पछ्यणा मा मिसे क्वीं बौत बड़ी गलती ह्वै ग्यें।
हरीशन लिखे कि उत्तराखण्ड क दगड़ मा न्याय हूंण चैंद। उन्न लेखि कि मिन वै बगत मि दगड़ काम करणा वला ळोगु थैं बोलि कि कै भि जांच खूंणि ऊंकी दरकार च त मदत करणा खूंणि त्यार रयां उन्न बोलि इन्न जांच मा मदत करणु हम सब्यौं कु काम च।