मुख्यमंत्री धामी न घैल पौंणों क खबर सार ल्यें

मुख्यमंत्री धामी न कोटद्वार बेस अस्पताल मा जैकि पौड़ी क सिमड़ी मा ह्वीं दुर्घटना मा घैल हूंया बरतियों क खबर सार ल्यें। मुख्यमंत्री न बोलि कि घैल मनखियों इलाज खूंणि सरकार सर्या बंदोबस्त करयूं च।

उन्न डॉक्टरू से घैलों के बारा मा जाणकारी ल्यें। मुख्यमंत्री घटना क जगा म सबसे पैळि पौंच्या गौ वलों कु भि आभार बोलि। अर बोलि कि सबसे पैळि घैल बरतियों थैं मदत देंणा कु काम गौ वलों न हि कायी।
मुख्यमंत्री न जिलाधिकारी थैं बोलि कि गौ वला जौन आपदा क ऐ बगत मा घैल अर टुणपट हूंया बरतियों थैं भैर निकलणा मा मदत कायी ऊंकी एक सूची बण्यें कि ऊथैं भि प्रोत्साहन दियें ज्यां

ऐ मौका पर पैल्यक मुख्यमंत्री अरसांसद डॉ रमेश पोखरियाल निशंक मुख्यमंत्री क दगड़ मा छायीं।