उत्तराखण्ड मा सियायी भिवड़ाट, कैबिनेट मा ह्वै सकद उथल-पुथल

देरादूण। उत्तराखण्ड मा एक दा दूबरा राजनीतिक भिवड़ाट (हलचल) बढ़िग्यें। कैबिनेट मा मंत्रियों संख्या बणौंण क खबरू क बीच मा मुख्यमंत्री धामी अर भाजपा क प्रदेस अध्यक्ष महेन्द्र भट्ट अर विधानसभा अध्यक्ष ऋतु खण्डूड़ी दिल्ली चलिग्येन। बतै जाणु च बल हाईकमानक बुलौंण फर धामी दिल्ली ग्यें।

मुख्यमंत्री, प्रदेश अध्यक्ष अर विधानसभ अध्यक्ष क अचाणचक दिनमा दिल्ली जाण स चौछ्ड़ि छ़वीं बत्था सुरु ह्वैग्यीं। बतै जाणु के कबिनेट मा कतगै बड़ा नेताओं थैं भैर कर्यें जै सकद अर खाली प्वड़यां तीन पदु मा नै मंत्रि बण्यें जै सकदन।

मुख्यमंत्री कु अचाणचक दिल्ली जाण क कारण प्रदेस के राजनीति मा चौछ्ड़ि छ़वीं बत्था सुरु ह्वैग्यीं। अर ब्वलें जाणु च विधानसभा भर्ति मा घपरोल, यूकेएसएसएस पेपर लीक अर अंकिता कतल मा पार्टी नेताओं से जाणकारि ल्यें कैकि क्वीं बडु फैसला ले सकदन।

त विधानसभा अध्यक्ष क विधानसभा मा मा 2016 मा भर्ति ह्वीं 228 अर 28 उपनल बटि लग्यां कर्मचारियों थैं भैर कैरि दे। जैका बाद 2016 क विधानसभा अध्यक्ष प्रेमचन्द्र अग्रवाल क मुण्ड मा कारवै क तलवार लटकी च। सर्या प्रदेस अर कांग्रेस लगातार प्रेमचन्द्र अग्रवाल थैं कैबिनेट बटि हटाणा के मांग लगातार करणु च। अभि तक प्रेमचन्द्र अग्रवाल से या उमैद करयें जाणि छायीं कि भैर देस बटि वापिस औंणा क बाद वु अप्फि अपड़ि कुर्सी छ्वड़ि द्याला पर इन्नु नीं ह्वीं प्रेम चन्द्र अग्रवाल अबि भि अपड़ि कुर्सी मा चिपक्यां छन।

इन्न मा अब ब्वलें जाुण च बल भाजपा पेपर लीक, विधानसभा भर्ति मा घपरोल अर अंकिता कु कतल क मामला मा कैबिनेट मा फेरबदल कैकि प्रदेस के रैवासियों क जिकुड़ि मा लग्यां घाव पर लेप लगौणा कु काम करणा क स्वचणि च। उन्न भि कैबिनेट मा तीन पद खाली छन इन्ना इन्न लगणु च कि अबिक कैबिनेट बटि कुछ बड़ा नेताओं के छुट्टी ह्वै सकद अर नै कैबिनेट बण्यें जै सकद। अबि त इन्न हि लगणु च कि भाजपा हाईकमान प्रदेस मा क्वीं बडु़ उथल-पुथल करणा क स्वचणु च।