बाबा केदारा क गर्भगृह मा शिवलिंग क दर्शन करणा पर रोक

देरादूण। प्रदेस मा लगातार हूंण बरखा क बाद बाबा केदार क दर्शनु खूंणि बड़ी संख्या मा जातरि आणा छन। बाबा केदारनाथ क दर्शनु खूंणि एक दिनमा 13 हजार से जादा जातरि आणा छन।

बाबा केदार मा जातरियों क बड़ी संख्या मा अणा क कारण बदरी केदार मंदिर समिति न श्रद्धालुऔं खूंणि बाबा केदार क गर्भगृह मा जातरियों क जाणा पर रोक लग्यें दे।

बतै द्विया बल पैळि श्रद्धालुओं क संख्या कम छायीं त बदरी केदारनाथ मंदिर समिति न बाबा केदारक गर्भगृह मा जातरियों थैं जाणा मंजूरि दे छायीं।

बदरी केदार मंदिर समिति क अध्यक्ष अजेंद्र अजय न बोलि बल जातरि क भारी भीड़ थैं देखिक बाबा केदारा क गर्भगृह मा जैकि शिवलिंग क दर्शन करणा पर रोक लग्यें ग्यें।