भाजपा युवा मोर्चा रैळी, गैसकु गुब्बारा फुट्ग्यें, भाजपाक कै कार्यकर्ता फुक्यें ग्यीं
देरादूण। उत्तराखण्ड क नै भाजपा युवा मोर्चा के अध्यक्ष शशांक रावत आगिन फुक्यें ग्यीं।
ह्वै इन्न च बल आज भाजपा महानगर अध्यक्ष अंशुल चावला न शशांक रावत क स्वागत मा एक मोटरसैकिल रैली निकाळि। कनक चौक बटि सुरू रैळी जनि घंटाघर मा पौंचि अर जन्नि भाजपा क युवा मोर्चा के अध्यक्ष शशंक रावत जीप म चढ़िन तबि जीप मा बन्धयां गुब्बारा फुट्ग्यें अर आग लगिग्यें। जैमा भाजपा के कार्यकर्ता आगि मा फुक्यें ग्यीं। यांका बाद ऊथैं पंडित दीनदयाल उपाध्याय मा लिज्यें ग्यें अर इलाज क बाद अस्पताल बटि ऊंकी छुट्टी कर्यें ग्यें।