बेरोजगारु क सिरड़ (गुस्सा) देरादूणा क सड़क्यिों मा , प्रदेस मा ह्वीं भर्ति घपलों क जांच सीबीआई से करणा क मांग

उत्तराखण्ड मा रोजना कुईं न कुईं भर्ति घोटाला समणि आणु च। भर्ति घोटालों मा हूंया घपलों थैं लेकैकि आज बेरोजगारु क सिरड़ (गुस्सा) आज देरादूण क सड़क्यिों मा दिख्यें। सर्या प्रदेस बटि देरादूण पौंच्यां बेरोजगारू न आज परेड ग्राउण्ड बटि सचिवालय कूच कायी। उन्न मांग कायी क जै भि इमत्यानु मा घपला ह्वै ऊथैं रद्द, अर प्रदेस मा अबि तक हूयीं भर्ति इमत्यान क सीबीआई से जांच कर्यें ज्यां।

यूकेएसएसएसी भर्ति मा सीबीआई से जांच करणा क मांग थैं लेकैकि आज बेरोजगार संघ क ब्वन पर प्रदेस क बेरोजगार परेड ग्राउण्ड मा जमा ह्वीं। जख बटि हत्थु मा तख्ती लेकर तिब्बती बजार, लैंसडाउन चौक, कनक सनेमा बटि सचिवालय पौंचि ग्यीं। सचिवालय मा पुलिसन बैरिकेटिंग लग्यें की ऊथैं रोकि द्यायी। यांका बात सबि सड़क्यिों मा धरना पर बैट्ठिी ग्यीं।

सडक्यिों बैट्ठिी क प्रदेस मा भर्तियों मा हूयां घपलों थैं लेकैकि बरोजगारू खूब नारा लग्यें। बेरोजगार संघ के अध्यक्ष बॉबी पंवार न बोलि सरकरि भर्ति मा जांच क नौ पर बेरोजगारू थैं छकौणा (धोखा देना) कु काम हि हूंण च। उन्न बोलि बल राज्य बणाणा क बाद प्रदेस मा ह्वी भर्तियों के जांच अर घपला मा सामिल सब्यों पर सकत कारवै हूंण चैंद। उन्न बोल आज जतगा बेरोजगार जमा हूयां छन वै थैं देखिक अब जिम्मेबरि औरि बढ़िग्यें। अब या लड़ै औरि खड़खडु ह्वै की लड़ै जाळु।

बेरोजगार संघ थैं उत्तराखण्ड क्रान्ति दल, कांग्रेसन पार्टी कु दगडु भि मिळि।