मुख्यमंत्री धामीन खटीमा शहीद स्मारक मा फुळ चढ़ै कि राज्य आन्दोलकारियों थैं दे श्रद्धांजळि
मुख्यमंत्री धामीन आज खटीमा मा शहीद स्मारक मा जैकि फुळ चढ़ै अर शहीद राज्य आन्दोलकारियों थैं श्रद्धांजळि दे।
ऐ मौका पर मुख्यमंत्री न शहीद राज्य आंदोलनकारियों क कुटम्दरि थैं सम्मानि भि कायी अर बोलि कि मि शहीदु क कुटम्दरि थैं सम्मानिक कैकि अप्फु थैं गौरवान्वित समझझु छौ। उन्न बोलि शहीदु न ऐ राज्य खूंणि मां क माया, बणैं क रखणी, अर कुटुम्दरि क सुख-दुख छोड़िक हैंसदा-हैंसदा अपड़ि जिन्दगि दें द्यायी।
मुख्यमंत्री न बोलि बल हमरि आणा वळि पीढ़ि हमरा शहीदु क संघर्ष थैं नि भुल्यां या खूंणि हमथैं शहीदु से जुड्या कार्यक्रमु थैं हर साल मनौंण चैंद। उन्न बोलि सरकार राज्य आंदोलनकारियों क सुपिनों क जन प्रगतिशील उत्तराखण्ड बणाणा खूंणि संकल्पबद्ध च।
मुख्यमंत्री मंत्री न बोलि राज्य सरकार विकल्प रहित संकल्प क दगड़ मा काम करणि च। सरलीकरण, समाधान अर निस्तारीकरण हमरि सरकार कु मूल मंत्र च। उन्न बोलि भ्रष्टाचार पर रोक लगौंणा खूंणि 1064 नम्बर सुरु कर्यें ग्यंे।
ऐ मौका फर केन्द्रीय रक्षा अर पर्यटन राज्य मंत्री अजय भट्ट, अध्यक्ष वन विकान निगम कैलाश गहतोड़ी, विधायक शिव अरोड़ा, राज्य आन्दोलनकारी काशी सिंह ऐरी, दान सिंह रातव, पैल्यक विधायक प्रेम सिंह राणा वखम छायीं।