पुुलिस खुफिया तंत्र सियूँ रैग्यें अर महिला कांग्रेस पौंचिग्यें मुख्यमंत्री क घौर

देरादूण। उत्तराखण्ड क खुफिया तंत्र कन्नु काम करणु च या आज पता चलिग्यें। खुफिया तंत्र सियूँ रैग्यें अर महिला कांग्रेस दिखौंणा (प्रदर्शन) करणा खूंणि मुख्यमंत्री क घौर मा पौंचिग्यें। ब्यटूला क हात्थु मा सरकार क खिलाफ नारा ल्यख्यां तख्ति छायीं अर व्यूटलों न सरकारक खिलाफ खूब नारा बाजी कायी।

कांग्रेस पार्टी क ब्यटूला यूकेपीएससी मा ब्यूटलों क आरक्षण पर कोर्ट के फैसला से रूस्यां छायीं अर याकु सर्या दोस प्रदेस सरकार थैं देंणि छायीं।

महिला कांग्रेस न प्रदेस सरकार पर आरोप लग्यें अर बोलि बल या सरकार के कमजोर पैरवी क कारण ब्यटूलों क हक छिन्यें ग्यें।

महिला कांग्रेस न मुख्यमंत्री क घौर मा प्रदर्शन कायीं या मा खास बात या छायीं कि देरादूण क खुफिया तंत्र थैं खबर तक नि लगि।

बतै दियां बल सरकारि नौकरि मा उत्तराखण्ड क ब्यटूळों थैं 30 प्रतिशत आरक्षण पर रोक लग्यें जाणा क विरोध मा कांग्रेस कु मुख्यमंत्री क घौर कु घेराव छायीं। उन्न त प्रदर्शन करण वळों थैं हाथीबड़कला मा बैरिकेटिंग लग्यें की रव्कें जान्द। पुलिस थैं खुफिया पुलिस हि खबर देन्द। आज भि बैरिकेटिंग मा बौत पुलिस छायीं फर खुफिया पुलिस सियूँ रैग्यें अर कांग्रेस पार्टी के ब्यटूला हत्थु मा तक्खि लैकेकि मुख्यमंत्री घौर मा पौंचग्यीं। जैका बाद पुलिस विभाग मा हड़कम मचिग्यें। जैका बाद पुलिसन जनै-कनै कैकि कांग्रेस क ब्यटूलों थैं पकड़ि।