2015 पुलिस दरोगा भर्ती क जांच विजिलेंस कराली, पुलिस विभाग मा ह्वैग्यें धकद्याट
देरादूण। उत्तराखण्ड गृह विभाग न साल 2015 पुलिस दारोग भर्ती मा गड़बड़ि कु शक हूंण पर ऐ मामला मा विजिलेंस थैं जांच करणा क आदेश याली।
गृह विभाग न ईं भर्ती थैं लेकैकि जांच क आदेश दीं। जै कारण पुलिस विभाग मा धकद्याट ह्वैग्यें।
बतै दियां के उत्तराखण्ड अधीनस्थ सेवा चयन आयोग 2021 पेपर लीक मामला मा एसटीएफ क जांच मा पुलिस दरोगा भर्ती अर औरि भर्ती मा भि गड़बड़ी क बात समणि आणी छायीं।
2015 मा ह्वीं पुलिस दरोगा भर्ती भि छायीं। जै थैं देखिकि पुलिए मुख्यालयन गृह विभाग थैं पुलिस विंग थैं छोड़िक कै औरि एजेन्सी बटि 2015 दरोगा भर्ती मा ह्वीं गड़बडी कु शक पर जांच करणा कु प्रस्ताव भेजि छायीं।
जै प्रस्ताव पर आज गृह विभााग न अपड़ु ठप्पा लग्यें दे अर विजिलेंस थैं साल 2015 मा दरोगा भर्ती के जांच के आदेश दे दीं।
बतै दियां विजिलेंस पुलिस विभाग मा नि आन्दु। ईं कारण च पुलिस मुख्यालय के प्रस्ताव फर गृह विभाग न या जांच विजिलेंस थैं दे।