स्वास्थ्य विभाग क बड़ी लापरवै, नेत्र दान पखवाड़ा मा जु जागरूकताक सामग्री थैं बाटि वै मा संदेश पैल्यक पैल्यक मुख्यमंत्री त्रिवेन्द्र सिंह रावत कु

देरादूण। प्रदेस मा मुखिया कोच्च, स्वास्थ्य विभाग थैं पता हि नि च? नेत्रदान पखवाड़ा कार्यक्रम मा एक किताब बंटे ग्यें। किताबि मा त्रिवेन्द्र रावत कु संदेश च। जैमा त्रिवेन्द्र सिहं रावत उत्तराखंड मा लिंगानुपात क परवा (चिंता) करणा छन।

ह्वै इन्न च कि आज देरादूण मा 37 वु नेत्र दान पखवाड़ा उर्यें ग्यें। जैकि शुरुवात स्वास्थ्य मंत्री धन सिंह रावतन कायी। ऐ मौका फर डॉ. धन सिंह रावतन एक किताब भि बांटी। जैमा मुख्यमंत्री कु संदेश मा पैल्यक मुख्यमंत्री त्रिवेन्द्र सिंह रावत क फोटा लग्यीं च। संदेश मा त्रिवेन्द्र सिंह रावत प्रदेस मा लिंगानुपात थैं लेकैकि अपड़ि चिंता जतौणा छन दगड़ा दगडि वु लिंगानुपातक अंतर थैं कम करणा खूंणि कर्यें जाण वला कामु पर खुश भि छन।

स्वास्थ्य विभाग ऐ लापरवै पर घपरोळ ह्वैग्यें।

त दूसर तरफ स्वास्थ्य विभााग क प्रभारी सचिव आर राजेश कुमारन एनएचएम निदेशक सरोज नैथानी, एनएचएम आईईसी टीम लीटर ज्योति और एनएचएम नेत्र विशेषज्ञ डॉ अर्चना थै कारण बताओ नोटिस जारी कैर याली।

प्रभारी सचिव स्वास्थ्य डॉ आर राजेश कुमार न ब्वाल बल जागरूकताक सामग्री थैं बटणा से पैळि विभागीय सचिव बटि यांकु अनुमोदन लियें जाणु जरूरी च। किताब बटणा से पैळि विभागीय सचिव क पूर्वानुमोदन कैलि नि लियें ग्ये? ऐ बारा मा स्पष्टीकरण देणा के निर्देश दिया छन।