हरीश रावतन सतपाल महाराज थैं दे बधै, अर बोलि अग्निवीर हमरि सेना कु विकल्प कन्नुकैकि ह्वै सकदु

देरादूण। अग्निपथ योजना मा भर्ती अग्निवीर थैं लेकैकि प्रदेस मा सियासत तेज ह्वैग्यें।

आज पैल्यक मुख्यमंत्री हरीश रावतन अग्निवीर भर्ती थैं लेकैकि सरकार पर निसाणा पर लें। उन्न बोलि कि अग्निवीर हमरि सेना कु विकल्प कन्न कैकि ह्वै सकदु। उन्न सतपाल महाराज थैं बधै दे अर बोलि बल सतपाल महाराज असलि बधै के हकदार तब ह्वाला जब वु ब्वालला कि अग्निपथ बेकार योजना च।

हरीश रावतन बोलि कि अग्निपथ न बल्कि यू बर्बादी कु पथ च। उन्न बोलि अन्निपथ उत्तराखण्ड क पछ्याण थैं मिटाणौं क एक चाल च। उन्न बोलि 10 साल बाद गढ़वाल रेजीमेन्ट, कुमौ रेजीमेन्ट अर गोरखा रेजीमेन्ट जू हमरि बहादुरिक इतिहास से जुड्यां छन सबि इतिहासक बात ह्वै जाली। उन्न बोलि कुछ साळु बाद सरकार अड़ानी थैं ब्वाललि यू अग्निवीर कु ख्याल राखा अर जब हमथैं दरकार ह्वैळी हम अग्निवीर थैं उधार ल्यें ल्यूं ला।
हरीश रावतन सतपाल महाराज क अग्निवरी मामला मा दियां बयान पर बोलि बल पैलि बार उन्न सूझबूझ के बात बोलि लेकिन या मा सतपाल महाराज क अध्धा सूझबूझ च।

बतै दियां कि अग्निवीर भर्ती मा गड़बड़ी क शकैत थैं लेकैकि सतपाल महाराजन कुछ सवाल उट्ठे छायी। अर केन्द्रीय रक्षा राज्य मंत्री अजट भट्ट क दगड़ मा बात कायी अर अपणि आपत्ति जतै छायीं।