सतपाल महाराजन लोक निर्माण विभाग अर सिचैं विभाग थैं निर्देश दीं, बल जतगा भि पुळ छन ऊंकु लगातार निरीक्षण कर्यें ज्यां
देरादूण। बरखळ राज्य मा हूंया नुकसान थैं लैकैकि पर्यटन, लोक निर्माण, धर्मस्व अर संस्कृति मंत्री सतपाल महाराजन अधिकाकरियों थैं आपदा क्षेत्र मा मदद अर खाणा कु समान थैं पौंचाणा खूंणि बोलि।
कैबिनेट मंत्री सतपाल महाराजन मालदेवता, बादल घाटी, सरखेत अर यमकेश्वर मा बरखळ हूंया नुकसान पर चिंता जतै अर लोक निर्माण विभाग क एचओडी अयाज अहमद अर सिचैं विभागक एचओडी थैं निर्देश दीं बल जतगा भि पुळ छन ऊंकु लगातार निरीक्षण कर्यें ज्यां।
महाराजन जिलाधिकारी पौड़ी क दगड़ा भि बात कायी अर बोलि कि यमकेश्वर क बाढ़ वळ इलाकों मा लेखपाल थैं भेजिक रिपोर्ट त्यार कर्यें ज्यां, जै से प्रभावित मनखियों थैं मदद क दगड़ मा खाणा कु समान पौंच्यें जै सक्यां।
कैबिनेट मंत्री महाराजन बोलि वु जल्दी हि या बारा मा एक रिपोर्ट त्यार कैकि मुख्यमंत्री धामी थैं द्याला।