पेपर लीक मामला मा अब धामपुर बटि जेई गिरफ्तार

देरादूण। उत्तराखण्ड अधीनस्थ चयन सेवा आयोग पेेपर लीक मामला मा एसटीएफ न अब उत्तरप्रदेस धामपुर बटि धामपुर क रैवासी जूनियर इंजीनियर ललित शर्मा थैं भि पूछताछ करणा क बाद पकड़ि याली।

पेपर लीक मामला मा हाकम सिंह अर उत्तरप्रदेश क नकल माफियाओं क बीच जुड्यां तारू थैं त्वड़न मा एसटीएफ थैं बड़ी सफलता मिलग्यें।

एसटीएफ क जांच मा जेई ललित शर्मा क धामपुरा क मकान मा 25 से जादा अभ्यर्थियोंन पेपर से एक दिन पैळि राति मा लीक हूयां प्रश्नु थैं हल कै छायीं। एसटीएफ क एसएसपी अजय सिंह न बतै बल हाकम सिंह क दगड़ उत्तरप्रदेस क नकल माफिया भि मिल्यां छायीं। जैमा बटि ललित शर्मा थैं पुलिसन पकड़ि याली अब औरि बड़ी गिरफ्तारी क बारा मा बौत जल्दी खुलासा ह्वै जालु।
बतै जाणु च पुलिसन आज पकड़यां जेई ललित शर्मा क घरवलि भि उत्तराखण्ड मा जेई च।