16 सौ करोड़ रुप्यौंळ ह्वाळु ऋषिकेश कु विकास
देरादूण। मुख्यमंत्री पुष्कर सिंह धामीन बोलि बल प्रधानमंत्री नरेन्द्र मोदी क पहल फर ऋषिकेश मा एकीकृत अवस्थापना विकास परियोजना खूंणि 16 मीलियन यूरो क मदद खूंणि प्रस्ताव वित्त मंत्रालय भारत सरकारन यूरोपीय वित्तपोषण संस्था थैं भेजि याली।
मुख्यमंत्री पुष्कर सिंह धामीन बोलि बल या परियोजना 200 मीलियन यूरो (16 सौ करोड़) क च। परियोजना मा भारत सरकार व राज्य सरकार क वित्तीय अनुपात 80:20 कु च। मुख्यमंत्री न प्रधानमंत्री के आभार जतै अर बोलि कि प्रधानमंत्री क नेतृत्व मा उत्तराखण्ड बौत अगनै जाणु च। उन्न बतै परियोजना मा पाणि क कमी, बाढ़ सुरक्षा, सार्वजनिक स्वच्छता सुविधा, स्मार्ट शहर, सड़क, घाट अर बस टर्मिनल अर पार्किग जन्न काम कर्यें जाला।
मुख्यमंत्री न बोलि बल हर साल ऋषिकेश मा लाखु क संख्या मा जातरी ओन्दन। ऋषिकेश धार्मिक अर साहसिक खेलु खूंणि जणें जान्द। इन्न मा यख हमथैं अगनै खूंणि देखिक विकास करण क जादा जरुरत च।
मुख्यमंत्री न बोलि परियोजना के पूरू हूंण पर यख रैवासियों अर जातरियों थैं पीणा कु पाणि अर साफ सुथरि सुविधाए मिललि, यातायात सरल अर बौत बढ़िया ह्वै जालु अर यखक रैवासियों क आजीविका मा सुधार ह्वालु।