यूकेएसएसएससी पेपर लीक मामला मा पुलिसन सचिवालय बटि एक औरि अपर निजी सचिव थैं पकड़ि
देरादूण। उत्तराखण्ड अधीनस्थ सेवा चयन आयोग पेपर लीक मामला मा उत्तराखण्ड एसटीएफ न उत्तराखण्ड सचिवालय मा एक औरि अधिकारी अपर निजी सचिव सूर्य प्रताप न्याय विभाग थैं गिरफ्तार कैरि याली। गिरफ्तरी क बाद अपर निजी सचिव थैं एसटीएफ कोर्ट मा हाजिर कारली।
उत्तराखण्ड एसटीएफ न बोलि कि उत्तराखण्ड सविचालय मा अपर निजी सचिव सूर्य प्रताप क बारा मा ऊथैं पक्का सबूत मिल्यां छायी। जै आधार फर सूर्य प्रताप थैं गिरफ्तार कर्यें ग्यें। सूर्य प्रताप उधमसिंह नगर मा जयपुर क रैवासी छन।
द्वी दिन पैळि उत्तराखण्ड एसटीएफ सचिवालय बटि लोक निर्माण अर वन विभागक निजी सचिव गौरव चौहान थैं गिरफ्तार कै छायीं। अबि तक ऐ मामला मा द्वी अपर निजी सचिव अर 16 औरि लोगु थैं गिरफ्तार कर्यें ग्यंे।
बतै द्विया बल उत्तराखण्ड अधीनस्थ सेवा चयन आयोग न साल 2021 मा ग्रेजुएट लेवल क इम्तयान करें छायीं। जैकु परीक्षाफल बि निकळि ग्यें। अर अबि इम्तयान मा पास हूंया अभ्यर्थियों क प्रमाण पतरू क जांच हूंणि छायीं। तबरि पेपर लीक हूंण का मामला समणि ऐग्यें।
ऐ मामला मा अब एसटीएफ क निशाणा फर वु अभ्यर्थी छन जौन नकल कैकि इम्तयान दें अर पास ह्वैग्यीं। बतै जाणु च कि अबि तक उत्तराखण्ड एसटीएफ न 50 अभ्यर्थियों क पछ्याण कैरि याली अब ऊथैं बौत जल्दी गिरफ्तार करैं जाळु।