टपकेश्वर महादेव क शोभा जातरा, फुळुक ह्वै बरखा

देरादूण। टपकेश्वर महादेव मा आज भगवान शिव क शोभा जातरा निकळें ग्यायी। शोभ जातरा मा भैर बटि अयां कलाकारूक निकल्यां झांकियों न सब्यौं थैं खुस कैरि दें। त भगवान शिव के 11 रूद्रों पर अगास बटि फुळुक बरखा कर्यें ग्यें।

आज सुबेर महंत कृष्ण गिरी अर मुख्यमंत्री धामीन पैळि टपकेश्वर महादेव क पूजा कायी। वैका बाद टपकेश्वर महादेवन क शोभा जातरा शिवाजी धर्मशाला बटि निकळि। जातरा सहारनपुर रोड, झण्डा चौक, पीपल मण्डी, पलटन बजार मा जंगम शिवालय बटि भगवान टपेकश्वर मंदिर मा पौंचि।

शोभा जातरा मा भगवान शिव क 11 रूद्र रूपों क झांकी जख बटि नि निकळि वखि मनखियों क ज्यूं भक्तिमय ह्वै ग्यें। शोभा जातरा मा बांके बिहारी, वृदांवन, टपकेश्वर महादेवा क तीन ड्वाळा श्री दूधेश्वर, श्री पतेश्वर अर श्री देवेश्वर महादेव क छांकी बौत खास छायीं।

शोभा जातरा पर अगास बटि फुळु क बरखा ह्वै। फुळु क बरखा सहरानपुर चौक, घंटाघर, अर टपकेश्वर मंदिर मा कर्यें ग्यें।

टपेकश्वर महादेव क पंडित भरत गिरी महाराजन बोलि कि हिन्दू धर्म मा खास कैकि शिवजी क भक्तु खूंणि या गौरव क बात च कि शोभा जातरा मा अगास बटि फुळु क बरखा ह्वै।

ऐ मौका फर मेयर सुनील उनियाल गामा, विधाायक गणेश जोशी, खजान दास मौजूद छायीं।