पुसिसवळा क घरवळि न नौन्याळ क दगड़ गांधी पार्क मा दे धरना

देरादूण। 4600 ग्रेड पे क मांग कुटुम्दरि न कायी त सरकारन 3 पुलिसवळों थैं नौकरि बटि हट्यें दें। इन्न मा नौकरि से हट्यां पुलिसवळु कुलदीप भण्डारी क घरवळि न आज बरखा मा अपड़ा नौन्याळ क दगड़ि धरना दे।

कुलदीप भण्डारी क घरवळिन बोलि बल आन्दोलन क बात करण पर हि म्यार घर्वाळु थैं नौकरि बटि हटाणु ठीक नि च। उन्न बोलि चुनौं से पैळि मुख्यमंत्री न या घोषणा कै छायीं कि पुलिस वळों थैं 4600 ग्रेड पे दियें जाळु लेकिन या फर अबि तक क्वीं फैसळा नि ह्वै।

कुलदीप भण्डारी घरवळि न डीजीपी पर बोलि कि उन्न फेसबुक मा 4600 ग्रेड पे का बारा लिखे छायीं। उन्न बोलि कि म्यारा घर्वाळु थैं नौकरि पर बटि हट्यें ग्यें त डीजीपी थैं भि हट्यें ज्यां।

आशा भण्डारी न बोलि कि 7 अगस्त खूंणि सर्या 13 जनपद बटि पुलिसवलौं क कुटुम्दरि गांधी पार्क मा धरना देंणा खूंणि पौंछळि, कैथैं क्वीं भि डैर नि च।