भर्ती घोटाला, त्रिवेन्द्र न बोलि इन्न आयोग थैं खतम कर्यें जाण चैंद

पैल्यक मुख्यमंत्री त्रिवेन्द्र सिंह रावतन पत्रकारू स बातचीत मा बोलि कि प्रदेस वीडीओ, वीपीडीओ क भर्ती मा हूय्यूं घोटाला प्रदेस खूंणि बौत चिंताक बात च। उन्न बोलि कि इन्न भर्ती घोटाला योग्य नौन्याळु क भविष्य क दगड़ मा शार्टकट वाला अर रिश्वत देंण वला हमरि भर्ती ऐजेन्सी पर भि असर करणा छन या फर हमथैं विचार करणा के जरूरत च।

https://youtu.be/VYvjD_-e0uw

उन्न बोलि बल कांग्रेस क शासन मा ह्वै घाटाळा थैं, जब मि मुख्यमंत्री छायीं तब मिन पकड़ि अर अब दूबरा यू घोटाला समणि ऐग्यें। इन्नु घोटला उत्तरप्रदेस मा बौत पैलि भि ह्वै छायीं तब भर्ती थैं खतम कर्यें ग्यें छायीं।

त्रिवेन्द्र न बोलि कि इन्न अत्याचार अगर नै पीढ़ी के दगड़ा मा हूंणू च त इन्न आयोग थैं खतम कर्यें जाण चैं। उन्न बोलि कि इन्न लोगु थैं कुईं कतगा भि बडु़ ह्वै पकड़े जाणा चैंद अर ऊंका खिलाफ सकत कारवै हूंण चैंद।