अंडमान निकोबार जेल, जख वीर सावरकर थैं धर्यूं छायीं, वै जेेेल मा अपड़ा ज्यूंद रैंद एकदा जरुर ज्यां : सतपाल महाराज

देरादूण। आजादी क लड़ै मा वीर सावरकर कु बौत योगदान छायीं। अंडमान निकोबार क जै जेल मा वीर सावरकर थैं धर्यूं छायीं, वै जेेेल मा अपड़ा ज्यूंद रैंद एकदा जरुर ज्यां। या बात प्रदेस संस्कृति मंत्री सतपाल महाराज न आजादी क अमृत महोत्सव मा उर्ईं राष्ट्रीय चित्रकला प्रदर्शनी थैं सुरू करण दा बोलि।

आजादी क अमृत महोत्सव क ऐ मौका फर घंटाघर एन एचबी कम्पलेक्स मा ‘उत्तरा समकालीन कला संग्रहालय’ (आर्ट गैलरी) मा संस्कृति मंत्री सतपाल महाराज न भाग लें अर कलाकारू थैं बोलि कि आजादी क लड़ै मा भाग लिंण वला उत्तराखण्ड क जौ शहीदु थैं हम भूळि ग्यां, चित्रकला प्रदर्शनी मा आज कलाकारू न उ शहीदू थैं समलौण कैकि बौत अच्छि कोसिस कायी।

अमृत महोत्सव मा चित्रकला प्रदर्शनी थैं दय्खणा के बाद संस्कृति मंत्री सतपाल महाराजन न बोलि कि आजादी क लड़ै मा अपड़ि जिंदगि थैं खतम करण वला वीर सावरकर न जै जेल मा अपड़ि सर्या जिन्दगी काटी, वीं जेल थैं अपड़ि जिन्दगी मा हमथैं एकदा जरुर दय्खण चैंद। उन्न बोलि कि उत्तराखण्ड के सपूत चंद्र सिंह गढ़वाळि अर जयानन्द भारती क योगदान थैं नि भुल्यें जै सकदू।

सतपाल महाराजन बोलि कि वु राज्य मा सांस्कृतक थैं बढ़ाणा अर कलाकारू थैं सम्मान देंणा खूंणि हमेसा तयार रैंदन। उन्न बोलि कि प्रदेस मा ललित कला, नाट्य कला अर साहित्य कला थैं अगनै बढ़ौणा खूंणि सबि कोसिस करला। उन्न बोलि कि प्रदेस के कलाकारू थैं भि बगत-बगत पर सरकार थैं अपड़ि सलाह देंण चैंदन।

आजादी क अमृत महोत्सव पर उर्यूं ऐ कार्यक्रम मा खूंणि केंद्रीय संस्कृति मंत्री अर्जुन राम मेघवाल और ललित कला अकादमी, संस्कृति मंत्रालय, भारत सरकार के चेयरमैन नंदलाल ठाकुर थैं अपड़ि शुभकामना दीं।

ऐ मौका पर सचिव संस्कृति हरीश चंद्र सेमवाल, निदेशक बीना भट्ट, राष्ट्रपति पुरस्कार प्राप्त कुसुम पांडे, महेश पांडे, साक्षी कोठियाल, पुष्पा रावत, रविंद्र पडिहार, मनोज पांडे, अंशु मोहन वखम छायीं।