अग्निपथ योजना क विरोध मा हरीश रावतन कायी पैदळ जात्रा

देरादूण। पैल्यक मुख्यमंत्री हरीश रावतन बुधवार सैन्य धाम चीड़बाग बटि अग्निपथ योजना के विरोध मा पद जात्रा सुरू कायी।

हरीश रावत अर प्रदेस रैवासियों न पैळि चीड़बाग सैन्य धाम चीड़बाग मा शहीद सैनिकों थैं श्रद्धांजलि दे। जैका बाद उन्न जिला प्रशासन के जरिया से अग्निपथ क विरोध मा राज्य पाल थैं एक ज्ञापन द्यायी।

https://youtu.be/gucDXzVbjbo

यां से पैलि अग्निपथ योजना के विरोध करण वलौं मनखियों थैं राजभवन जाणा से पैळि पुलिस न बैरिकेटिंग लग्यें कि रोकि दे छायी। हरीश रावतन ऐ जात्रा थैं गैरराजनीतिक बतै अर बोलि कि पिछळ तीन साल बटि फौज मा भर्ती हूंण खूंणि जुवान नौना त्यारि करणा छन लेकिन सरकारन ऊंका सुपिनों थैं तोड़ि द्यायी।

हरीश रावतन ब्वाल बल अग्निपथ योजना उत्तराखण्ड क जुवान नौना क दगड़ा मा ध्वका च। अग्निपथ योजना हमरा जुवान नौना क भविष्य थैं कटमचूर (खतम) करणा कु बाटू च। उन्न बोलि कि जू नौना साळु बटि फौज मा जाणा कि त्यारि करणु छायीं अब यू अग्निवीर ह्वाळु अर चार साळ क नौकरि कै कि अपड़ा घार वापिस ऐ जाळ। जैका बाद ऊंका समणि अपड़ा भविष्य थैं लेकैकि झूरण (चिंता) अलावा कुई औरि काम हि न राळु। उन्न बोळि कि सरकार अग्निवीरू थैं 4 साळक बाद नौकरि देंणा क बात ब्वलणि च पर ऐ बारा मा सरकार थैं बतौण चैंद क नौकरि कख छन। उन्न बोलि कि सरकार झूठ ब्वळि कि अग्निपथ योजना थैं नौना पर थ्वपणि च।