सांसद वरूण गांधीन सांसद अर विधायकु थैं मिलण वळि पिंसन (पेंशन) पर उट्ठे सवाल, ब्वाळ बल अग्निवीरू थैं मिलण चैंंद पिंसन

अग्निपथ योजना थैं लेकैकि सर्या देस मा घपरोल च मच्यूं। कुछ ईं योजना के थैं अच्छू बतौंणा छन कि कुछ मनखि अग्निपथ योजना थैं लेकैकि सरकार पर सवाल खड़ा करणा छन।

सरकार पर सवाल खड़ा करण वलों मा अब एक नौ भाजपा के सांसद वरूण गांधी कु औरि जुड़ी ग्यें।

वरूण गांधी ट्वीट कैकि सेना मा भर्ती कैकि देसा सेवा करण वला अग्निवीर थैं पिंसन नि दियें जाण क बारा मा लेखि बल राष्ट्ररक्षकु थैं पिंसन कु अधिकार नि च, त मि भि अपड़ि पिंसन छ्वडणा खूंणि त्यार छौ।

उन्न सवाल कायीं कि कम बगत खूंणि देस सेवा करणा वळा अग्निवीर थैं पिंसन कु हक नि च त जनप्रतिनिधियों थै यू हक किलै?

उन्न बोलि बल क्या हम सांसद/ विधायक अपड़ि पिंसन थैं छ़ोडिक या बात तय कैरि सकदो कि अग्निवीर थैं पिंसन मिलण चैंद?

बतै दियां के यां से पैळि भि वरूण गांधी अपडि सरकार पर सवाल कर्यां छन। अबि उन्न जुवान नौना थैं सलाह दें छायीं बल अपडा़ हक क अवाज थैं शांतिपूर्वक उठाणा कु सलाह दे छायीं।