कैबिनेट मंत्री रेखा आर्य अर खाद्यान्न सचिव सचिन कुर्वे अमणि-समणि

देरादूण। कैबिनेट मंत्री रेखा आर्य अर आईएएस सचिन कुर्वे क बीच अजकाळ जिला पूर्ति अधिकारियों क बदलि थैं लेकैकि झंगज्याट ह्वीं च। बतै दिंया अब्बि द्वी दिन पैळि खाद्यान्न सचिव सचिन कुर्वे न जिला पूर्ति अधिकारी क बदलि क आदेश जारी कै छायीं। जैका बाद मंत्री रेखा आर्य थैं जन्नि ईं बातिक पता चलि उन्न झट से सचिन कुर्वे के आदेश थैं रद्द करणा खूंणि खाद्य आयुक्त थैं चिट्ठी लेखि अर सब्यां बदलियों थैं झट रवक्णाा क आदेश दीं।

जैका बाद भि सचिव सचिन कुर्वे मंत्री रेखा आर्य कु ब्वल्यूं नि मनणा छन। कैबिनेट मंत्री रेखा आर्य क खाद्य आयुक्त थैं चिट्ठी लेखिक सब्यां बदलियों थैं झट रवक्णाा क आदेश थैं खाद्यान सचिव सचिन कुर्वे न एक कूणा मा कैरि द्यायी।

सचिन कुर्वे न जिला पूर्ति अधिकारियों के बदलि थैं लेकैकि एक चिट्ठी जारि कायी अर लेखि बल सब्या बदलि पूरि तरौ नियमानुसार छन। सचिन कुर्वे न चिट्ठी मा लेखि कि विभाग म जू बदलि ह्वीं वै खूंणि न त विभागीय मंत्री अर न विभागीय सचिव क मंजूरी लिंणा क जरूरत च।

खाद्य सचिन कुर्वे न लेखि बल जब बदलि एक्ट मा जबबि कैकि बदलि हूंद त कै मंत्री के मंजूरी लिंणा क जरूरत नि हूंदि। अधिकारियों थैं तय बगत तक कै एक जगा मा रक्खें जांद अर जैका बाद नियमानुसार ऊंकी बदलि करै जांदा। सचिन कुर्वे न चिट्ठी मा लेखि कि जिला पूर्ति अधिकारियों बदलि थैं निरस्त नि करै जालु अगर इन्नों हवोळु त विभाग माहौळ खराब ह्वै जालु।

सचिव क चिट्ठी क बाद जन्नि मंत्री रेखा आर्य थैं पता चळि उन्न रेखा आर्य न बोलि बल सचिव थैं एक्ट क जाणकारि हि नि च। उन्न बोलि कि ह्वै सकद कि उन्न अपड़ा स्वार्थ खूंणि कुछ कै होलु। जैका बाद मंत्री रेखा आर्य न सचिव कुर्वे के गोपनीय मूल पत्रावली विभाग बटि मंगे। रेखा आर्य न बोलि कि जिला पूर्ति अधिकारियों के बदलि सै नि च।