राधा रतूड़ी ह्वै सकदन प्रदेस क नै मुख्य सचिव, प्रतिनियुक्ति मा केन्द्र जाला मुख्य सचिव संधू

देरादूण। उत्तराखण्ड क मुख्य सचिव डॉ. एस.एस. संधू थैं लेकैकि खबर आणी च कि संधू केन्द्र सरकार मा प्रतिनियुक्ति मा जाणा छन। अगर इन्नु ह्वै त प्रदेस थैं नै मुख्य सचिव मिळि सकद। इन्न मा नै मुख्य सचिव राधा रतूड़ी थैं बण्यें जाणा क बात समणि आणी च।

खबर च कि प्रतिनियुक्ति मा जाणा खूंणि मुख्य सचिव थैं सरकारक तरफ बटि मंजूरि मिळि ग्यायी।

बतै दियां कि मुख्य सचिव पैळि भि केन्द्र मा प्रतिनियुक्ति पर छायीं अर मुख्य सचिवा कु पद मिलणा क बाद हि उत्तराखण्ड मा अयां। अब दूबरा उन्न केन्द्र मा प्रतिनियुक्ति पर जाणा क अपड़ि इच्छा जतै। जै क बाद प्रदेस न उथैं केन्द्र मा जाणा क मंजूरी दे द्यायी।

बतै जाणु च कि मुख्य सचिव एसएस संधू अर धामी सरकार क बीच सै ढंग से तालमेल नि हूंणू च। जै कारण से एस एस संधू न केन्द्र मा जाणा खूंणि प्रस्ताव दें।

ईं उ कारण च जैका बाद राधा रतूड़ी थैं मुख्य सचिव बण्यें जाणा क बात समणि आणि च। अपर मुख्य सचिव राधा रतूड़ी प्रदेक नै मुख्य सचिव बण्यें जाणा क लैन मा पैळि नम्बर पर च। अबि राधा रतूड़ी अपर मुख्य सचिव मुख्यमंत्री जन्नि जिम्मेबरि निभाणि च।